Cont sij allen lieden dat want stoet en(de) tebat geweest hebben tusschen / h(ere)n symon vranx proest en(de) convent des goitshuys van gempe van/ des selfs goitshuys wegen in deen side en(de) symoen pynnock in dande(re)/ alse van xx mudden corns der maten van loven(en) erfpachts die de voirs(creven)/ symoen geheyscht en(de) gevolght heeft te hebben op de goede te creenwinckele/ metter hoerre toebehoirten die tvoirs(creven) goitshuys van gempe nu t(er)tijt houden(de)/ is daer in dat de selve proest en(de) convent meynden dat sij noch hoe(r)/ goede van creenwinckele voirs(creven) ten voirs(creven) symon w(er)t niet gehouden en/ waren want hi noch sijn vorvaren die aen de voirs(creven) goede noit gehadt/ noch gehaven en hadden So sijn beide de voirs(creven) p(ar)tijen comen voir/ scepen(en) van loven(en) en(de) hebben hen vanden voirs(creven) stote vanden voirs(creven)/ xx mudde corens gekeert en(de) sijn des bleven in zegge(re)n en(de) vriendelik/ yffene(re)n Te weten in woute(re)n pynnoc oem des voirs(creven) symoens en(de) in/ henricken wante diemen heet liseman In alsulker borgen dat de selve/ wout(er) en(de) henric die van beiden voirs(creven) p(er)oc partien goede en(de) ripe(n)/ informacie nemen selen hoe(r) zeggen daer af selen uutenen ende/ p(ro)nu(n)tie(re)n bynnen drien dagen neest komende Ende hebben geloeft/ de selve proest en(de) convent van des voirs(creven) goidshuys wegen in/ deen side en(de) de voirs(creven) symoen in dande(re) vaste en(de) gestadich te houden(e)/ en(de) te voldoen alsulken seggen eendrechticheit en(de) terminatie alse/ biden voirs(creven) woute(re)n en(de) henricke vanden voirs(creven) stoete geseeght ende/ uutgedragen sal werden sonder argelist hier waren ov(er) pynnoc iunior/ vynck junii iii