Ite(m) van alsulken stoete en(de) gescille als geweest heeft tusschen pete(re)n/ willemair in deen side en(de) henr(icke) bollens in dande(re) van drien silve(re)n/ schalen die de vors(creven) henr(ic) den vors(creven) pete(re)n opseyde [opseeght] dat hi va(n) hem/ hadde dwelc de vors(creven) pet(er) wed(er)seeght en(de) seeght dat hijse niet/ en heeft Soe sijn beyde de vors(creven) p(ar)tien come(n) voe(r) scep(enen) va(n) loven(e) en(de)/ sijn vande(n) vors(creven) stoete bleve(n) in segge(re)n en(de) in vriendelic yffene(re)n te wete(n)/ de vors(creven) pet(er) in egi gielise uuten lye(ming)[en] en(de) de vors(creven) henr(ic) in ja(n)ne/ py(n)noc den jongen in alsulk(er) vuegen dat beyde vors(creven) p(ar)tien come(n)/ selen voe(r) de vors(creven) segge(re)n en(de) elke van hen sal voe(r) hen sijn bescheit/ opdoen v(er)cle(re)n en(de) hen dat bibrenge(n) en(de) dan De welke segge(re)n hoe(r) segge(n)/ d(aer) af seggen en uutene(n) selen by(n)nen viii dagen neest come(n)de op dat/ sijs van accorde sijn en(de) soe waer sijs niet van accorde gew(er)den en/ consten dat sij a segge(re)n ene(n) ov(er)man by(n)ne(n) den vors(creven) viii dagen/ eendrechtichlic neme(n) selen en(de) hoe(r) [dien] beyde d(er) p(ar)tien redene en(de)/ bescheit bibrenge(n) die sijn seggen d(aer) af seggen en p(ro)nu(n)cie(re)n sal/ by(n)nen viii dagen d(aer) neest volg(ende) En(de) hebbe(n) geloeft beyde de p(ar)tien/ vaste en(de) gestedich te houde(n) (et)c(etera) soe wes de segge(re)n (et)c(etera) of de ov(er)ma(n)/ vande(n) vors(creven) sake(n) seggen en(de) t(er)mine(re)n selen borch(oven) wante julii xii