Cond sij allen lieden dat gielbart de tielhou van erkenen es come(n) in jeghewoirdicheyden/ der scepen(en) van loven(e) en(de) heeft genome(n) en(de) bekent dat hi ghenome(n) heeft van h(ere)n wou/ teren van beringe(n) canonick regul(ie)r en(de) pytanch(ie)r scloesters van p(er)ke inden naem/ en(de) vand(er) voirs(creven) pytancie(n) wegen alle de lande beemde en(de) eeusele der selver pyta(n)cien/ gelegen te erkenen en(de) daer omtrent met allen den gedeelte en(de) rechte dat de voirs(creven)/ pytancie heeft inde grote tyende van erkene(n) gelijc als de pyta(n)cie vande(n) voirs(creven) cloeste(r)/ de voirs(creven) lande beemde en(de) eeusele en(de) tghedeelte vander thiende(n) voirscr(even) aldaer/ houden(de) es Te houden te hebben en(de) te wynne(n) van sinte jans misse baptiste(n)/ neestcomen(de) ene(n) t(er)mijn van twelf ja(r)en langh deen nae dander daer nae stapha(n)s/ volgen(de) elx jaers dae(re)nbynne(n) te weten dierste iii jaer jaerlix om neghentien/ mudde rogs en(de) dander ix jaere jaerlix om xx mudde rogs goet en(de) payabel/ der maten van loven(e) alsulx als daer omtrent ghemeynlic wassen sal met/ wanne en(de) met vede(re)n wael bereidt te sinte andries misse apostels te betalen en(de)/ bynnen den voirs(creven) cloeste(r) te leve(re)n alle jaer den voirs(creven) t(er)mijn due(re)nde en(de) telken/ termine als vervolghde schout alsoe dat de voirs(creven) wynne bynne(n) den voirs(creven)/ ix ja(r)en betalen sal ix pachte Met alsulker vorw(er)den soe wanneer hij den/ voirscr(even) pacht int voirs(creven) cloester leve(re)n sal datmen hem dan doen sal sine(n)/ montcost Met alsulker vorw(er)den dat de voirs(creven) wynne de voirgh(eruerde) lande/ bynnen den voirscr(even) termine wel en(de) loflic eens overmesten sal gelijc/ reengenoeten Item mach de voirs(creven) wynne bynne(n) den voirs(creven) termine de/ hagen afhouwen willegen en(de) popele(re)n truncken te behoirliken tide en(de)/ waert dat daer e(n)nige boem verdroeghde dien sal de voirs(creven) wynne moge(n)/ afhouwen en(de) voe(r) elken twe poten vanden selve(n) arde weder setten en(de)/ opvueden Waert oec alsoe dat de voirscr(even) wynne aende voirs(creven) goede en(de)/ thienden bynne(n) den voirs(creven) t(er)mine schade name of leede van tempeesten/ of van ghemeynen orloge daer af sal hem de voirs(creven) pytancie rastoer doen/ gelijc ande(re) he(re)n hoe(re)n wynne(n) boven en(de) beneden doen selen behoudelic dyen/ dat hi hen de schade condigen sal bynne(n) vierthien nachten nae dat/ sij gheschiet sal sijn Voert es vorw(er)de dat de voirs(creven) wynne de voirscr(even) la(n)de/ laten sal ten eynde vanden voirs(creven) t(er)mine alsoe hise vant in sine(n) incomen/ dats te weten drie boender in hezendelle en(de) noch een boender in hezen/ delle gelegen neven dlant sjonche(re)n van zeyne wel en(de) loflic bezayt/ en(de) gewonnen met wynt(er)corne op drie iii vo(r)en Item iiii boender en(de)/ onderhalf dachmael bezayt wel en(de) loflic met zomercorne op twe/ voren Item de brake te weten iii dachmael lant en(de) noch een half/ boender lants gelegen neven den bosch des he(r)en van lyntre en(de) noch
//
een dachmael lants gelegen neven den bosch voirs(creven) Item noch een dach/ mael lants gelegen neven den selven bosch Item noch een dachmael en(de)/ een half boend(er) lants gelegen ter heyzen sal de wynne laten ten eynde/ van sinen voirs(creven) t(er)mine twewerven om gedaen Voert es vorw(er)de dat/ de voirs(creven) wynne wynne ten lesten ja(r)e vanden voirs(creven) t(er)mine hebben sal/ de helcht van alder vrucht staende en(de) sijnde ten eynde vanden voirs(creven)/ t(er)mine op de voirs(creven) lande sonder e(n)nigen pacht daer af te gheven of te/ betalen maer hij en sal gheen recht hebben noch behouden inde/ beemde noch inde voirs(creven) thiende buyte(n) sine(n) voirs(creven) t(er)mine Hier af/ sijn borgen des voirs(creven) gilbarts als p(ri)ncipael sculde(re)n ongesund(er)t en(de) onv(er)/ scheiden en(de) elc voe(r) al jan de goede van g(ra)ven frankart sone jaq(ue)min?/ van libersart welke borgen de voirs(creven) gilbart hier af geloeft heeft en(de)/ co(m)merloes te houden en(de) schadenloes tontheffen cap(elle)[ma(n)] wante maii xv?