Van janne den werwe(re) in deen side ende/ janne en(de) jacop van oekel gebruede(re) in dande(re)/ De scepene(n) van loven(e) hier nae genoempt hebben und(er)lingen get(er)mineert/ ende gesloten vanden leengoeden gelege(n) te londerssele die [men] uut den huyse van/ denremonde te leene houdende es de welke wa(r)en reyners vande(n) morte(re)/ wilen daer af dat in rechte gestaen hebben inde banck voe(r) meye(r)/ ende voe(r) hen scepen(en) jan en(de) jacop van oekel gebruede(re) die ov(er)mids/ vo(n)nisse van scepen(en) brieve(n) van loven(e) beleidt sijn tot den goede(n) des/ voirs(creven) reyners wilen vande(n) morte(re) in deen side en(de) jan de verwe(re) die beleidt/ es tot den goede(n) jans [robbrechts] golijs en(de) symoens vande(n) morte(re) in dande(re) na al/ dats voe(r) hen comen es datmen die sake onder houde(n) sal en(de) laten/ beswymen tot eweliken dagen sonder in tide(n) toecomen(de) e(n)nich vo(n)nis/ d(aer) af te wisen of te gheve(n) P(rese)nt(es) joh(ann)es de borch(oven) joh(ann)es de opp(endorp) fili(us) q(uon)d(am)/ walt(er)i joh(annes) de nethen(en) henr(icus) de calstr(is) walt(erus) ca(pelle)m[an] ar(noldus) vynck henr(icus) wante/ scab(ini) lovan(ienses) junii xix anno xxv