Item want zeke(re)n stoet en(de) geschil geweest heeft tusschen woute(re)n/ craenbout van vilvorden in deen side en(de) henricke(n) den verme(re) in/ dande(re) van zeke(re)n cost en(de) montheeringen [en(de) oec van zeke(re)n geloefte(n)] die henric den voirsc(reven)/ woute(re)n eysschen(de) es alsoe van ene(n) porte(r) van bruessel die henr(ic)/ meynt dat de selve wout(er) hem voertijts ter doen sij beide/ ter vue(re)n dienden houden dede Soe sijn beide de voirs(creven) p(ar)tien/ comen voe(r) scepen(en) van loven(e) en(de) hebben hen vande(n) voirs(creven) stoete/[en(de) van al dat d(air) uut porren en(de) oerspronck neme(n) mochte]/ gekeert en(de) sijn des bleven in segge(re)n en(de) vriendelike yffene(re)n/ te weten in lodewiken roelants en(de) jacop uute(n) lyemi(n)gen op alsoe/ dat beide de de selve segge(re)n beide der p(ar)tyen reden en(de)/ bescheit aenhoe(re)n selen en(de) dan hoe(r) seggen eendrechtichlic/ daer af segge(n) en(de) uuten(en) selen tusschen dit en(de) van dond(er)sdage/ neestkomen(de) over viii dage Geloven(de) beide de p(ar)tien voirsc(reven)/ vaste en(de) gestedich te houden soe wes de voirs(creven) segge(re)n/ vanden saken voirs(creven) segge(n) en(de) uutene(n) [t(er)mine(re)n] selen op enen(n) banduyn/ van vier arnhem(sche) gulden(en) tot behoef m(ijn) gened(ichs) he(re)n van braba(n)t/ te verboe(re)n der p(ar)tyen die jege(n) tsegge(n) dade py(n)noc ouder(ogghe)/ julii penult(ima)