It(em) de voirs(creven) peter van ysenbroec sal hem met den voirs(creven) brieve doen leyde(n) tot/ den goeden hier nae bescreven en(de) niet vorde(r) Te weten inden iersten tot ene(n) stucke lants/ met den wijng(ar)de houden(de) te gade(r) vii dach(mael) oft daer omtrent gelegen te cortenake tussche(n)/ de goede marien van ysenbroec en(de) yden van ysenbroec It(em) tot ene(n) halve(n) boenre ond(er) lant/ en(de) beemt gehete(n) dlonijs goet met ene(n) weghe daer toe hoe(re)nde gelege(n) tusschen de goede reyniers/ van liefkenrode en(de) de goede marien van ysenbroec It(em) de helcht van ene(n) stucke lants houdende/ omtrent een boenre gelege(n) opt waenrod(er) velt tusschen de goede scloest(er)s van lyntre en(de) mathijs/ van ysenbroec It(em) de helcht van i(½) boenre ond(er) bosch en(de) beemt gehete(n) arts broec gelege(n) tussche(n)/ de goede jacob roex en(de) de goede yden van ysenbroec cor(am) eisd(em)