Cond zij allen lieden dat henric necker wijng(ar)de(r) is comen in/ jeg(ewoirdicheit) der scepenen van loven(e) en(de) heeft genomen ende bekent/ dat hij genomen heeft van jonch(e)r janne van goetskoven hee(re)/ te voelne de woenynge geheten van boutsvoert des selfs jonch(e)r/ jans met huysen hoven bogarde weyden en(de) wijng(ar)de daer aen/ gelegen Te houden en(de) te hebben van s(in)[te] jans misse baptisten/ neestvoirleden enen t(er)mijn van vi jae(re)n langc deen na dander/ staphans sonder middel volgende elx jaers dae(re)n bynnen om/ xx hollantsche gulden(en) van goude goet en(de) gheve oft de weerde/ daer af half te kersmisse en(de) half te s(in)[te] jans misse baptisten/ te betalen alle jae(re) den voirs(creven) t(er)mijn due(re)nde ende telken t(er)mine/ als v(er)volghde scout Behoudelic dien die de voirs(creven) jonche(r) jan/

de voirs(creven) weyde selve behouden sal tot sente mertens misse/

neestcomende sonder afslach vanden voirs(creven) gelde Voert is vorw(er)de/ dat de voirs(creven) jonch(e)r jan betalen sal den chijns uut den voirs(creven)/ goeden gaende ende de selve goede hie(re)n bynnen houden van/ wande en(de) van dake Item is vorwerde dat de voirs(creven) henric/ den wijngart bynnen den voirs(creven) hove den voirs(creven) jonch(e)r janne/ hee(re) te voelen te halfm(er)te inden lesten jae(re) vanden voirs(creven) t(er)mine/ wel en(de) loflic gestaect gevoeght ende gebonden leve(re)n sal/ want hiten also vint ende dan sallen de selve jan jonch(e)r/ jan aenveerden oec sal de voirs(creven) henric ten voirs(creven) lesten/ jae(re) den wijngart en(de) bogart wel v(er)maect en(de) beheymt laten/ Hier af sijn borgen (et)c(etera) jan van bolgry ende arnt v(ere)ntruden/ barbier et p(ri)m[(us)] rike lomb(ar)t oct(obris) xiiii