Vanden stote en(de) gedinge dat is tusschen goerde van orsmale in deen/ side en(de) janne van sweysvelt in dande(re) alse vand(er) scaden die de voirs(creven)/ jan geleden heeft te lynden vanden brande die ald(aer) gesciet es soe sijn/ beyde de voirs(creven) p(ar)tien come(n) voe(r) meye(r) en(de) scepen(en) van loven(e) en(de) sijn/ vanden voirs(creven) stote en(de) gedinge bleven in segg(er)s en(de) in vriendelike/ yffeneers Te wten de voirs(creven) gord in janne vand(er) haert en(de) willem(me)/ du(n)nemelc en(de) de voirs(creven) jan van sweysvelt in henr(icke) vand(er) calste(re)n/[van lynden] en(de) v jannen du(n)nemelc in alsulker voegen dat de voirs(creven) segge(re)n op/ in sat(er)dage neestcomen(de) vergade(re)n selen te loven(e) en(de) ald(aer) ond(er)hoe(re)n en(de)/ ond(er)sueken allen redene(n) en(de) bescheit van beiden p(ar)tyen en(de) hoer/ seggen d(aer)af seggen en(de) utenen opten selven saterdach op dat sijs/ van acorde sijn En(de) soe waer sijs niet van acorde gesijn en conne(n)/ dat sij dan alle vre vier eendrechtichlic enen ov(er)man kyesen/ en(de) nemen selen die si [sijn] seggen d(aer) af utene(n) sal bynne(n) viii daghe/ d(aer) neest volgende en(de) hebben geloeft beyde p(ar)tyen vast (et)c(etera) soewes/ de segge(re)n oft de ov(er)man (et)c(etera) abs(oloens) haenw(ijc) dec(embris) p(rim)[a]