SAL7324, Act: V°55.1-R°56.1 (29 of 216)
Search Act
previous | next
Act V°55.1-R°56.1  
Act

Transcription

2020-01-11 by Bart Thoelen
Cond zij allen liede(n) dat abeert troyon van ha(m)me es come(n) in/
jeg(enwerdicheit) d(er) scep(enen) van lov(en) en(de) heeft genome(n) en(de) bekent dat hij genome(n)/
heeft van andries thomaes de woninge des selfs andries gelege(n)/
te ha(m)me met de(n) lande en(de) beemde(n) d(aer) toe behoe(re)nde Te houde(n)/
te hebben ende te wynne(n) van halfm(er)te naistcomen(de) ene(n) t(er)mijn/
van ix jae(re)n deen nae dand(er) d(aer) nae staphans volgende alle/
jae(re) den voirs(creven) t(er)mijn due(re)nde om dertich gul(den) pe(n)ninge gehete(n) crone(n)/
d(er) mu(n)te(n) sconinx van vrancr(ijc) goet van goude en(de) swaer van gewichte/
oft de weerde d(aer) af in ande(re)n goede(n) gelde deen helcht te s(en)t jans/
misse bap(tis)[te(n)] en(de) dand(er) helcht te kersmisse d(aer) na volgende te betalen(e)/
alle jae(re) den voirs(creven) t(er)mijn due(re)nde en(de) telke(n) t(er)mine als v(er)volghde scout/
It(em) es te wete(n) dat de voirs(creven) abeert de voirs(creven) lande vijndt bloet/
en(de) also sal hijse late(n) ten eynde van sijne(n) t(er)mine en(de) de selve/
abeert sal de voirs(creven) lande eens bynne(n) de(n) voirs(creven) t(er)mine wel en(de)/
loflic ov(er)meste(n) gelijc sijne(n) reengenoete(n) bove(n) en(de) benede(n) en(de)/
sess boend(er) meste(n) bynne(n) den drien leste(n) jae(re)n It(em) sal de voirs(creven) wy(n)ne/
jaerlix gheve(n) sess rijnsche gul(den) van goude goet en(de) gheeve sond(er)/
afslach vand(er) selver so(m)men tot behoef vande(n) groete(n) honde(n) tsh(er)toge(n)/
van brab(ant) en(de) i(½) gu rijnsche(n) gul(den) tot den cleyne(n) honde(n) behoef m(ijns)/
hee(re)n voirs(creven) It(em) sal de voirs(creven) wy(n)ne de(n) meye(r) vorste(re) en(de) scep(enen) van ha(m)me/
jaerlix gheve(n) drie maeltide(n) op sijne(n) cost It(em) sal de voirs(creven) wy(n)ne/
de huyse vande(n) voirs(creven) hove den voirscr(even) t(er)mijn due(re)nde van wande/
en(de) van dake en(de) in goede(n) state van oud(er) ty(m)meringe(n) en(de) wart dat/
hem hout gebrake de voirs(creven) huyse mede te maken dat thout sal/
hem de voirs(creven) andries leve(re)n op den bosch gevelt en(de) d(aer) saelt de/
wynne doen halen op sijne(n) cost en(de) viel d(aer) e(n)nich huys t(er) neder/
dat soude de voirs(creven) andr(ies) doen opmake(n) op sijne(n) cost It(em) sal de/
voirs(creven) wynne de voirs(creven) beemde ten eynde vande(n) voirs(creven) t(er)mine/
laten bethuynt en(de) bevreedt wel ende loflic en(de) van jae(re) te/
jae(re) royoelen en(de) vaegen gelijc sijne(n) reengenoete(n) en(de) dlant late(n)
//
gegrecht en(de) bevreet ter strate(n) gelijc sijne(n) reengenoete(n) also dat den voirs(creven)/
andr(ies) d(aer) af gheen scade en gesciede en(de) alle troncboeme mach de voirs(creven) wy(n)ne/
truncken van drien jae(re)n te drie jae(re)n om de goede mede te bevreden(e) Ende/
wart dat d(aer) e(n)nige boeme verdroeghde(n) oft ter ned(er) vielen en(de) uutwaeiden/
soe soude de voirs(creven) wynne die hebben en(de) d(aer) voe(r) ii levende poete vanden/
selven aerde wed(er) setten It(em) sal de voirs(creven) wynne te sijne(n) lesten jae(re) de brake/
wynne(n) tot d(er) saetvoe(re)n toe wel en(de) loflic gelijc sijne(n) reengenoete(n) It(em)/
en mach de voirs(creven) wynne de voirs(creven) lande bynne(n) den voirs(creven) t(er)mine niet hoer/
vruchten maer hij maeght uutgheve(n) op ene(n) pacht van coerne sond(er) hoer/
vruchte(n) in dien dat blijft ten leste(n) jae(re) gelijc voirscr(even) es en(de) den leste(n)/
oeghst gedaen sijnde soe sal andr(ies) voirs(creven) sijn lande ter stont aenveerde(n)/
It(em) soe en sal de voirs(creven) wynne gheen recht hebben in dbosch mer hij/
mach sijn beeste(n) drive(n) en(de) doen opte heyde bute(n) sboschs also dat den/
selve(n) andr(ies) aen sijn bosch gheen scade en gesciede It(em) sal de voirs(creven) /
wynne doen make(n) drie valveken(en) aen drie strate(n) die uut ha(m)me/
gaen te velde wart en(de) andr(ies) sal hem thout leve(re)n en(de) salse houde(n)/
hangende op sijne(n) cost
ContributorsSabrina Keyaerts , Jos Jonckheer , Kristiaan Magnus
Moderated bykristiaan magnus
Last update: 2013-01-29 by Sabrina Keyaerts