Cond zij allen lieden dat mathijs vanden eynde wonen(de) te loven(en) inde schee(re)/ es come(n) in jegewoirdicheiden der scepen(en) van loven(en) en(de) heeft genome(n)/ en(de) bekent dat hij genome(n) heeft van den b eerw(er)dige(n) [m(ijn)] he(re)n abdt en(de) co(n)vent/ scloesters van vyleer [van svorscr(even) cloest(er)s wegen] thof des selfs ge scloesters gehete(n) thof van/ velpe gelge(n) inde p(ro)chie van bierbeke met den huysen dair op staende/ Te wete(n) dwoenhuys gelege(n) bij den putte de schue(re) de boeverie schepe/ rie en(de) den spike(re) aende schue(re) staende en(de) met ene(n) stucke lands geleg(en)/ voir de poirte vande(n) voirs(creven) hove tusschen de lande d(er) kijnde(re) ruysschers/en(de) de aen deen zijde en(de) de velp(er)heide en(de) den bruel aen dand(er) sijde/ en(de) met d(er) eeusselinge(n) inde(n) voirs(creven) stucke lands liggende Dwelc de voirs(creven)/ mathijs mach doen wynne(n) op dat hij wilt It(em) een beemdeken gehete(n)/ den koebeemt gelege(n) benede(n) den voirs(creven) hove It(em) een beemdeken gelege(n)/ tusscen dbloc acht(er) thof en(de) [tusscen] deeussel gehete(n) droegheeussel It(em) een/ beemdeken gelege(n) tussce(n) den voirs(creven) koebeemt en(de) de strate van/ mulstede It(em) tvoirs(creven) droegh eeussel [gelegen] neve(n) de strate van mulstede en(de)/ den voirs(creven) koebeemt It(em) den beemt van roesbeke gelege(n) tusscen den/molenbeemt [molenbeemt] en(de) den beemt b bellens wilen vand(er) lynden en(de) strecken(de)/ tot op de strate gaende t(er) molen wart It(em) alle de hove eeussele/ en(de) weyde gelege(n) bynne(n) den bijvange vande(n) voirs(creven) hove uut uutge/ sceiden drie cleyn hoefken toebehoe(re)nde den meest(er) d(er) poirte(n) van velpe/ gelege(n) acht(er) de selve poirte en(de) den wijng(ar)t gelege(n) bynne(n) den voirs(creven) hove/ Item sal noch hebben de voirs(creven) mathijs dbosch gehete(n) tcraeyenbosch/ Te houden te hebben en(de) te wynne(n) van half mey [den xvii[sten] dach van junio] lestleden ene(n) t(er)min/ van twelff jae(re)n langc deen nae dnd(er) d(aer) nae staphans sond(er) midd(el)/ volgende Elx jaers dae(re)n bynne(n) om vijfentwintich rijnsche guld(en) / van goude goet en(de) gheeve deen helcht te kerssavonde en(de) d(ander).../ helcht tsent jans misse baptisten te betalen en(de) te leve(re)n ind(er) .../ wissel van loven(en)te leve(re)n den voirs(creven) m(ijn) he(re) den abdt de all ...[op also dat hij bynne(n) den yersten ja(re)] .../voirs(creven) t(er)mijn due(re)nde en(de) telken t(er)mine als vervolghde ...[d(aer)af vijfthien rijnsche gul(den) en(de) niet meer meer] s.../jaers [Ende] om twintich mudde evene(n) goet en(de) payabel d .../de ten voirs(creven) t(er)mine te betale(n) en(de) te loven(en) bynne(n) d(er) ...
//
cloest(er) aldair te leve(re)n den voirs(creven) m(ijn) he(re) den abdt alle jae(re) den voirs(creven) t(er)min/ due(re)nde en(de) telken t(er)mine als vervolghde schout It(em) sal de voirs(creven) mathijs/ den voirs(creven) religioese(n) leve(re)n alle jae(re) in hoir h(er)berge te loven(en) twee voeder/ stroes den voirs(creven) t(er)mijn due(re)nde It(em) sal de voirs(creven) mathijs den meest(er) vand(er)/ poirte(n) van velpe ov(er) jair wynt(er) en(de) zomer vueden met sijnen beesten gaende/ twee koeye twee verken(en) en(de) een peert uutgesceiden van evene(n) It(em) mach/ de voirs(creven) peter [mathijs] den voirs(creven) t(er)mijn due(re)nde houwen de haghen en(de) alle droegh/ boeme staende opte grechte om tvoirs(creven) lant en(de) willige(n) truncken en(de) eyken/ truncken die voirtijts getrunct hebben geweest staende op de beemde/ en(de) grechte die des(er) pachtinge(n) toebehoe(re)n om sijn berringe en(de) de voirs(creven)/ goede mede te beheyme(n) uutgesceide(n) den bosschen en(de) de haghen vanden/ bosschen en(de) de grechte(n) vanden bosschen dair op noch dair inne en/ mach hij niet houwen Op alsoe dat de voirs(creven) mathijs voir elke(n) droege(n)/ boem [wed(er)] sette(n) en(de) houwen [houden] sal twee ande(re) beclive(n)de bome vand(er) selv(er) manie(re)n/ Oec soe en mach de voirs(creven) mathijs op de voirs(creven) goede gheen boeme af/ houwen die bove(n) twelf jair out sijn en(de) oec soe sal de selve mathijs de/ grechte vande(n) haghen die hij houwe(n) sal wel doen verheffen alsoe dat/ bij gebreke d(aer) aff sijne noch ande(re) beeste(n) aen de voirs(creven) goede gheen scade/ doen en selen It(em) heeft bekent de voirs(creven) mathijs dat hem de huse vande(n)/ hove voirs(creven) gelevert sijn goet en(de) loflic staende van wande van daken en(de)/ van fundame(n)ten en(de) alsoe sal hijse altoes houden den voirs(creven) t(er)mijn due(re)nde/ en(de) alsoe laten ten uutgane vande(n) selve(n) t(er)mine Ende wart datt(er) groet/ ty(m)merhout aen gebrake soe selen de voirs(creven) religioese den selven mathijs/ dat bewisen op hoe(re)n cost staende ten naesten dat sij co(n)nen en(de) de selve/pet mathijs saelt dan doen afhouwen en(de) van dair vue(re)n op sijne(n) cost int/ voirs(creven) hoff en(de) aldair doen verwerken en(de) verty(m)me(re)n aen de voirs(creven) huyse dairs/ behoefde oec op sijne(n) cost Ende wairt also dat de voirs(creven) mathijs dair/(enn)ige huyse of yet ty(m)me(re)n dede meer dan hij dair vonde(n) hadde dat sal/(hij) moegen doen met oirlove d(er) voirs(creven) religioese op sijne(n) cost en(de) soe/ ... hij dair meer alsoe ty(m)merde dat sal blive(n) int voirs(creven) hoff en(de) d(aer)/(voer) sal hij niet moege(n) ewech doen ten uutgaen van sijne(n) t(er)mine/ ... .t? dair e(n)nich huys met ongevalle viele in al of in deele en(de)/(dat) wae(re) bij faute(n) of gebreke vanden voirs(creven) mathijs dair in/(sal) (hij) (n)iet gehoude(n) sijn Ende voort met alsulker vorwarden
//
en(de) condicien dat de voirs(creven) mathijs doen en(de) betalen sal sond(er) e(n)nige(n)/ afslach De corweyden die tvoirs(creven) hoff den he(re) vande(n) lande sculdich es/ met wagen en(de) met p(er)den dats te wete(n) vie(re)ntwintich corweyden/ tsjaers en(de) wart dat sake dat hij meer corweyen dade het/ wae(re) bynne(n) oft bute(n) lands in orloge in reysen oft in wat manie(re)n/ dat wae(re) dat dat sijn soude op sijne(n) cost sond(er) dair af den voirs(creven)/ religioesen yet te eysscen in e(n)nig(er) manie(re)n It(em) dat sal de voirs(creven) math(ijs)/ dragen en(de) ghelden allen cost allen last en(de) alle gijsten van honden/ en(de) alle schaden van tempeeste van wynde van wede(re) van haghele van/ gemeyne(n) oirloeghe oft van reysen in wat manie(re)n dat wae(re) ofte/ toequame Uutgesceiden tgelt vande(n) grote(n) en(de) vande(n) cleyne(n) honden/ tsh(er)togen van brab(ant) dwelc de voirs(creven) religioese gewoinlic sijn te gheve(n)/ en(de) betalen selen den voirs(creven) t(er)mijn due(re)nde It(em) sal de voirs(creven) mathijs den/ voirs(creven) t(er)mijn due(re)nde doen de gasterie vand(er) ordene(n) en(de) mijn he(re) den/ abdt van vyleer met sijnre geselscap die hem toebehoirt nae/ sijne(n) staet ontfaen tweewerve(n) tsjaers [en(de) of mijn he(re) dair dicwerve(n) quame dan tweewerve(n) tsjaers dan soude de voirs(creven) mathijs m(ijn) voirs(creven) he(re) en(de) sijnre geselscap hoey leve(re)n moeten voir hoir peerde] en(de) de p(er)soene(n) die van/ vyleer come(n) selen oec ontfaen gaende en(de) ke(re)nde sond(er) e(n)nige(n) afslach/ It(em) sal de voirs(creven) mathijs acht dage langc elx jairs den abdt en(de) co(n)vent/ voirs(creven) dienen met sijne(n) waghene(n) op sijne(n) cost dair sijs te doen hebbe(n)/ selen en(de) sijs beghe(re)n It(em) sal de voirs(creven) mathijs de voirs(creven) lande sijne(n) t(er)mijn/ due(re)nde jairlix wel en(de) loflic wynne(n) en(de) bezaeyen op sijne ty getidege/ voe(re)n Dats te wete(n) tweentwintich boend(er) wijnt(er)coe(re)ns op vier voe(re)n/ en(de) de selve lande laten ten uutgaen van sijne(n) voirs(creven) t(er)mine laten/ gelijc hijse vindt met te sijne(n) aencome(n) Te wete(n) den wijnt(er)aert/ met wijnt(er) coerne op vier getidege voe(re)n en(de) dies sal sijn twee/ boend(er) tarwen It(em) den somerart met zom(er)corne besaeit op/ ii getidege voe(re)nen(de) de uutgesceide(n) d(aer) af een boend(er) met erwete(n)/ besaeit en(de) een boend(er) met crocken It(em) de brake tweewerv [eens tweewerven] om gedaen/ en(de) gheerijt It(em) sal It(em) den hoff tusscen de poirte en(de) de schue(re) wel/w gewo(n)nen en(de) met tarwe(n) besaeit It(em) den hoff bijden putte vand(er)/ poirte(n) wel gewo(n)nen en(de) besaeit met bonen en(de) met pasturen It(em) den/ hof acht(er) de boeverie eenwerf geerijt en(de) besaeit met graeuwen erwete(n)/ en(de) met pastue(re)n It(em) sal de voirs(creven) mathijs allet coe(re)n en(de) alle de vrucht
//
come(n)de vande(n) voirs(creven) goede(n) jairlix b(ri)ngen int tvoirs(creven) hoff en(de) niet/ elde(re) en(de) alle de voesteringe die d(aer) af vallen sal etten en(de) verte(re)n/ aldair met sijne(n) beesten en(de) te meste maken en(de) dat mest vue(re)n/ op de voirs(creven) lande en(de) nergens elde(re) dair dbest behoeve(n) sal It(em) selen/ de voirs(creven) religioese ten lesten jae(re) op dat hen genueght moegen/ sette(n) en(de) seinde(n) ene(n) saeye(re) om de voirs(creven) goede te besaeyen met/ wijnt(er)coerne en(de) zom(er)coerne dair toe dat hen de voirs(creven) mathijs den/ zaet leve(re)n sal goet en(de) custbaer en(de) [den] saeye(re) sijne(n) cost gheve(n) en(de) sine/ dachue(re)n betalen It(em) want den voirs(creven) religioese den voirs(creven) mathijse/ gelevert hebben int ingaen vande(n) voirs(creven) t(er)mine soe in p(er)den coey/ in coeyen in verken(en) en(de) soe in ande(re)n have(n) getaxar tsame(n) getaxeert/ op drientseventich gul(den) crone(n) soe gemeynlic in borsen gaen Soe/ es vorw(er)de dat de voirs(creven) mathijs de voirs(creven) have ind(er) voirs(creven) w(er)den oft/ de voirg(eruerde) so(m)me van ghelde den voirs(creven) religioese(n) ten eynde vande(n)/ voirs(creven) t(er)mine wed(er) leve(re)n betalen en(de) telivere(re)n sal [en(de) als v(er)volghde schout] It(em) soe hebben/ de voirs(creven) religioese den voirs(creven) mathijse noch gelev(er)t bute(n) d(er) voirs(creven) prisiene(n)/ ene(n) groete(n) metalen pot in een forneys staende en(de) noch ene(n) ande(re)n/ grote(re) metalen pot en(de) enen groete(n) cope(re)n ketel die de selve mathijs/ hen oec in dleste jair telivere(re)n en(de) wed(er)gheve(n) sal Item soe mach/ de voirs(creven) mathijs de weyde vande(n) bosschen des voirs(creven) cloesters aldair hebbe(n)/ va(n) nutte(n) met sijne(n) beeste(n) Dats te wete(n) sijn coeye en(de) quec d(aer)op/ te late(n) gane als den bosch vijf jair out es en(de) niet eer en(de) de/ peerde te vier jae(re)n en(de) niet eer Uutgesceide(n) tscoutenbroec d(aer)op/ moege(n) sijn besten gaen a tallen tijden alst hem genuege(n) sal En(de)/ alle dese voirs(creven) vorw(er)de(n) gelofte(n) en(de) (con)dicien bo bove(n) bescreve(n) hebbe(n)/ geloeft de voirs(creven) m(ijn) he(re) dabt van svoirs(creven) cloesters wege(n) in deen zijde/ en(de) de voirs(creven) mathijs vande(n) eynde in dande(re) malcande(re)n vast en(de)/ gestedich te houde(n) en(de) te voldoen tallen tiden en(de) t(er)mine(n) als sij/ vallen en(de) verscine(n) selen en(de) telken t(er)mine als vervolghde schout/ abs(oloens) py(n)noc iunior junii xxi