It(em) katlijn die wijf was henrix wilen speelberch dieme(n) heet hiet tabbart es/ come(n) in jegewoirdicheiden der scepen(en) van loven(e) ende heeft ov(er)gegheve(n) en(de) bekent/ dat sij ov(er)gegheve(n) heeft met consente en(de) wille arnts ve(re)ntruden barbiers die/ ov(er)midts vo(n)nisse van scepen(en) brieve(n) van loven(e) beleidt es tot allen den goeden/ beruerlic en(de) omberuerlic d(er) selver katlinen yden wittebols dochter henrix/ wilen wittebolle de beruerlike goede hier nae bescreve(n) gelikerwijs de/ selve yde die houdende es in hoe(r) woenynge(n) int beghijn hof te loven(e) te/ weten inden yersten ix glasande cussene It(em) vi oercussen It(em) ii tapiten It(em)/ ii sargen It(em) iii sittecleder It(em) xxiiii tynne(n) scotelen It(em) iii wijnpotte It(em)/ een ghelt flessche It(em) ii screynen It(em) een coetse van ii(½) ellen eyken It(em) iii mot/ talen potte It(em) iii witte ketele It(em) ene(n) groete(n) swerte(n) ketel It(em) ene(n) cleyne(n) sw(er)te(n)/ ketel It(em) een wafelyser It(em) een scermsel It(em) een sedel It(em) ene(n) grote(n) seetel/ It(em) ene(n) disch It(em) ii drievoete It(em) ii yse(re)n pa(n)nen It(em) ii mottalen pa(n)nen It(em) iii/ latoene(n) candelee(re) It(em) vi paer slapelaken It(em) xvi stucken ond(er) amelaken en(de)/ dwalen It(em) een swerte salye It(em) ii paer wullen clede(re) te bedden It(em) vi gescilde/ cussen It(em) ene(n) amarijs It(em) ene(n) groeten yse(re)n treeft It(em) ii yse(re)n roester en(de)/ ene(n) yse(re)n spet Ende hebben bekent en(de) verlijdt de voirs(creven) katline en(de) arnt dat/ sij gheen recht inden voirs(creven) beruerliken goeden en hebben noch en behielden/ lombart voshem januarii xxii