Van janne de walssche/ Tvonnisse tusschen janne de walssche in deen zijde ende goerde h(ere)nmeys in dande(re)/ alse vander thienden scloesters van vliederbeke te maerbeke inde prochie van/ bierbeke gelegen die de voirs(creven) gord jegen den abdt vande(n) voirs(creven) cloeste(r)/ wed(er) inne genomen heeft eenen seke(re)n t(er)mijn due(re)nde daer af dat/ de voirs(creven) jan de walssche seyde dat de voirs(creven) gord hem toegeseeght/ hadde de voirs(creven) thiende te deylen des de selve goerd meyndde dat/ hij niet doin en soude mids alrehande reden(en) die hij daer toe/ seggen dede Was gewijst ende uutgedragen met dese(n) woirden/ nae aensprake nae antw(er)de ende nae tverlyen dat de voirs(creven)/ gord hem verleden hadden dat de voirs(creven) goerd den voirs(creven) ja(n)ne de/ walssche de voirscr(even) thiende deylen soude behoudelic dien dat hij/ daer af doin soude vesticheit alsoet behoude ghelijc hij gep(rese)nteert/ hadde Ende eest also dat de voirs(creven) goerd den voirs(creven) ja(n)ne yet/ aen te spreken heeft dat hij dat doin mach met den rechte/ P(rese)ntibus d(omi)no ludovico pynnoc milite will(elm)o lomb(ar)t jacobo ex lye(mingh)[en] mychaele/ abs(oloens) arnoldo vynck joh(ann)e de hugarden et andrea de voshem scab(inis) lov(aniensibus)/ m(ar)cii xi a(n)no xiiii[c] xxxi