It(em) jan drabbe van huldenb(er)ghe es come(n) in jeg(enwoirdicheyt) der scepen(en) van lov(en) en(de) heeft geloeft/ den he(re)n vicedeken en(de) cap(it)le van s(en)te pet(er)s te loven(en) dat hij hoir goede pachte tsijse en(de)/ rente(n) inde(n) dorpe(n) van ov(er)ysche en(de) van huldenb(er)ge van sent jans misse bap(tis)[te(n)] lestlede(n)/ ene(n) t(er)mijn van drien jae(re)n langc deen nae dand(er) sond(er) middel volge(n)de wel ende/ getruwelic inh... inhalen heffen en(de) indoen sal en(de) den voirs(creven) he(re)n voirt vande(n) voirs(creven)/ rente(n) goede wittige rekeni(n)ge en(de) betalinge doen te groet vastelavonde jairlix/ den voirs(creven) t(er)mijn due(re)nde uutgenome(n) van pontgelde of d(aer) e(n)nich verschene dat/ hij dat hebben en(de) behouden soude voir sijnen arbeit bleve(n) oec e(n)nige pande ligge(n)de/ voir den co(m)me(re)r of maecte(n) hen e(n)nighe p(ar)tien rebel met den rechte van pachte/ of tsijse te betalen also dat de he(re)n vervolgh van rechte of behoude doen moesten/ dat de voirs(creven) jan dair af gheenen last te draghen en soude hebben calstris/kersk kersmake(re) januarii penulti(m)a
//