Item gheert voerstrepen sone jans [wilen] voirstrepen van nord(er)wijc es comen in/ jegewoirdich(eyt) d(er) scep(enen) van lov(en) en(de) heeft genome(n) en(de) bekent dat hij genome(n)/ heeft van m(yn) vrouwen d(er) abdissen en(de) convente scloesters vand(er) rae rameyden/ thof gehete(n) ter coneertreyen den selven goidsh(uyse) toebehoe(re)nde gelege(n) inde/ p(ro)chie van meylhem met allen den lande(n) beemden bosschen hoven tsijsen capuyne(n)/ thienden en(de) allen ande(re)n p(ro)fite(n) den selven hove toebehoe(re)nde gelijc ande(re) wynne(n)/ dat voirtijts gehouden hebben Te houden te hebben en(de) te wynnen van halfm(er)te neest/ comen(de) ene(n) t(er)mijn van twelf jae(re)n langc deen nae dand(er) sond(er) middel volgende elx/ jairs dae(re)n bynne(n) om seven mudde coe(re)ns der mate(n) van loeven(en) goet en(de) payabel/ d(er) mate(n) van loeven(en) te sente andries misse ap(ost)les te betale(n) en(de) te int voirs(creven) hof/ te leve(re)n alle jair den voirs(creven) t(er)mijn due(re)nde en(de) telken t(er)mine als v(er)volghde schout/ It(em) es vorwarde dat de voirs(creven) wynne op dat hem gelieft ten yerste(n) vi jae(re)n/ scheiden sal moege(n) en(de) d(er) voirs(creven) goede quijt sijn op also dat hij dat m(yn) vrouwe(n)/ een jair te voe(re)n sal late(n) wete(n) It(em) sal de voirs(creven) wynne jairlix hie(re)n bynne(n) noch/ betale(n) alsulken(en) tsijs als de voirs(creven) goede sculdich sijn also in tijts dat m(yn) vrouwe(n) d(aer)/ af gheen scade en come It(em) sal de voirs(creven) wynne jairlix den voirscr(even) t(er)mijn due(re)nde/ onsen gened(ighen) he(re) van brab(ant) doen dertich corweyen oft vande(n) [der] meesters moet d(aer) af/ te hebben It(em) sal de voirs(creven) wynne noch betalen alle jair den voirs(creven) t(er)mijn due(re)nde/ alsulken ghelt alsmen den groete(n) en(de) den cleyne(n) honde(n)? van brab(ant) sculdich es en(de)/ dair toe alle ande(re) laste draghen het sij van gasterien van ons gened(ichs) he(re)n/ huysgesinne van honden te houde(n) oft and(er)s soe wat saken dat dat sijn moege(n)/ dair inne dat tvoirs(creven) goidshuys vande(n) voirs(creven) hove gehoude(n) mach sijn It(em)/ sal de voirs(creven) wynne alle jae(re) hie(re)n bynne(n) leve(re)n vii[c] walme(re) om de huysinge/ vande(n) voirs(creven) hove d(aer) mede te decken en(de) alsmen die ald(aer) v(er)dect oft anders/ plect aen de voirs(creven) huysinge Soe sal de voirs(creven) wynne den wercliede(n) den / montcost gheve(n) en(de) m(yn) vrouwe de dachue(re)n betalen uutgenome(n) van nuwe(n)/ werke d(aer) af sal m(yn) vrouwe den cost en(de) de dachue(re)n bet(alen) It(em) w(er)t dat de/ voirs(creven) wynne bynne(n) den voirs(creven) t(er)mine e(n)nige scade hadde oft lede van tempeeste/ hagelslage(n) volke van wapene(n) heervairde(n) oft gemeyne(n) oirloghe d(aer) af sal m(yn) vrouwe/ hem rastoer doen nae costume(n) der s(e)c(un)darien kerken van ludic gelijc ande(re) he(re)n/ en(de) p(re)late(n) hoe(re)n pechtene(re)n bove(n) en(de) benede(n) doen sellen It(em) sal de voirs(creven) wy(n)ne/ de voirs(creven) goede laten geackert gemest en(de) gesaeyt ten afsceide(n) vande(n) voirs(creven) t(er)mine/ gelijc hij die vijnde(n) sal te sijne(n) aencome(n) en(de) voir tstroe dat hij int voirs(creven)/ hof vijnde(n) sal sal de voirs(creven) wynne te sijne(n) afsceide(n) also vele mests voirlate(n)/ It(em) sal de voirs(creven) wynne late(n) te sijne(n) leste(n) jae(re) den arnt voir tvoirs(creven) hof gelege(n)/ wel geackert met wijnt(er)corne wel en(de) loflic besaeit en(de) d(aer) toe mach m(yn) vrouwe/ den saeye(re) sette(n) op iiii voe(re)n uutgenome(n) viii boend(er) die sele(n) besaett sijn op drie/ voe(re)n en(de) want [hij] dien alsoe vijnde(n) sal It(em) sal de voirs(creven) wynne hebben alsulke(n) p(ro)ve(n)de/ van broede en(de) van bie(r) gelijc ande(re) wynne(n) die voirmaels ald(aer) gehadt hebben/ Ende alle dese voirs(creven) vorw(er)de(n) (et)c(etera) H(ier) af sijn borge(n) (et)c(etera) als p(ri)ncipael (et)c(etera) ind(ivisim) jan [en(de) jacob] van ysschot gebru(edere)/ soene henrix wilen van ysschot jo en(de) jan van haeght van he(re)nthout Et p(ri)m[(us)] k(er)smake(re)/ velde fe(bruarii) iiii/