It(em) goerd meynarts meye(r) der abdissen van vrouwe(n) p(er)ke te langdorp/ en(de) ja(n)nes opde(n) berch in deen den name en(de) van wege(n) der voirs(creven) abdisse(n)/ in deen zijde jan vaes de jonge en(de) jan claes de jonge die bel(eit)/ sijn tot den goede(n) jans vaes soen symoens wile(n) vaes in dande(re)/ hebben dach genome(n) malc jege(n) ande(re)n int recht te come(n) voir/ meye(r) en(de) scep(enen) van loven(e) van heden in viii dage(n) te mistide/ naistcomen(de) cor(am) andrea de voshe(m) burgim(a)g(ist)ro ap(ri)l(is) ulti(m)a