Cond zij allen lieden dat reyne(r) de conynck van kerkem molde(r)/ es come(n) in jeg(ewordicheit) en(de) heeft genome(n) en(de) bekent dat hij genome(n)/ heeft jege(n) ja(n)ne van raetshove(n) den jongen de molen des voirscr(even)/ jans met ene(n) beemdeken d(aer) aen gelege(n) en(de) alle(n) sijne(n) toebeh(oirten)/ gelege(n) te bierbeke Te houden [en(de)] te hebben en(de) van sent jans misse/ bap(tis)[te(n)] neestcomen(de) ene(n) t(er)mijn van drien ja(r)en langc deen/ nae dand(er) sond(er) middel volge(n)de elx jairs dae(re)n bynne(n) om/ veertich g(ri)pen te wete(n) veertich pl(acken) payments voir elc g(ri)pe/ gerekent half te kersmisse en(de) half te s(en)t jans misse bap(tis)[te(n)]/ te bet(alen) alle ja(r)e den voirs(creven) t(er)mijn due(re)nde quol(ibet) ass(ecutu)[m] It(em) es/ vorwarde dat de voirs(creven) reyne(r) bynne(n) den yerste(n) ja(r)e vand(er) voirs(creven)/ molen sceide(n) mach om en(de) dier ongehoude(n) sijn op also dat hij/ dat den voirs(creven) janne nu te kersmisse naistcomen(de) dat kundige(n) sal/ en(de) late(n) wete(n) It(em) voirt es vorwarde dat de voirscr(even) molde(r) de/ voirs(creven) molen late(n) sal ten afsc(eiden) vande(n) voirs(creven) t(er)mine van ca(m)men van/ spille(n) en(de) van allen [ande(re)n] wercke uutgesc(eiden) trat en(de) de steene gelijc hij
//
die opte(n) dach van hede(n) vijnt want hij tot s(en)t jans misse naistcomen(de)/d(aer)inne de voirs(creven) moelen houde(n) sal sond(er) e(n)nige(n) pacht te gheve(n) It(em) en(de)/ sal de selve molde(r) d tvoirs(creven) beemke(n) te sijne(n) afsceide(n) laten/ ongheet want hijt opte(n) dach van heden also aenveerdt/ It(em) sal de voirs(creven) molde(r) de beke ald(aer) houde(n) bove(n) en(de) benede(n) op sijne(n)/ cost en(de) die vaghen en(de) ruyme(n) alst te doen sijn sal It(em) sal de/ voirs(creven) molde(r) alle ja(r)e voir elc oude willige die v(er)droege(n) sal sette(n)/ iii leve(n)de poten oec sal hij tp(ro)fijt hebbe(n) vande(n) willige(n) die/ staen vanden [tusscen den] savo(r)e ten [en(de) der] moelen weert Ende alle dese vorw(ar)de(n)/(et)c(etera) h h(er) rogge haenw(ijc) maii xi