Van roelove van scaetbrouck/ Tvonnisse tusscen roelof van scaetbroeck die overmidts vonnisse van scepen(en) brieve(n)/ van loeven(e) geleydt es totten goede(n) jans ts(er)aurts? de welke roelof metter stat/ brieven van loeven(e) hadde doen inne scriven roelande van bourgevail alse/ van ix dachmalen lants luttel min oft meer gelegen te chetiesart tusscen/ den hof diemen heet dez cherettes aen deen zijde en(de) tusscen de goede/ peters wijflet en(de) henrix wilen van der baren aen dander zijde Dair de/ voirs(creven) roelant van bourgevail niet vore oegen comen es alsoe dat de voirs(creven)/ roelof versocht datmen houden woude in zijnen beleyde (et)c(etera) Es uutge/ dragen met desen woirden datmen den voirs(creven) roelof houden soude in zijne(n)/ beleyde alsoe verre alst noch vore de h(e)r(e)n scepen(en) van loeven(e) comen es P(rese)ntib(us)/ henr(ico) de calstris nycholao kersmake(re) geldulpho rogge ger(ardo) de haenwijc dyonisio/ boys (et) arnoldo vande(n) velde junii xx