Van h(e)r(e)n symons pynnoc ridde(r)/ Item jacob uuten lyemyngen die te gade(r) met gelden de pape natuerlic beleydt/ es totten goeden h(e)r(e)n symoens pynnock ridders en(de) vrouwe katline(n) sijnre/ gesellynnen es comen inde banck voir meyere en(de) scepen(en) van loeven(e) en(de)/ heeft versocht want hij dach heeft doen doen metter stat brieven van loeven/ janne lobbe van wespelair die hem ongebruyc doet alsoe hij seyde aen/ een eyke die de selve jan heeft doen afhouwen en(de) ewech vueren dat/ de voirs(creven) eyke weder bracht worde t(er) plaetsen d(air) sij afgehouwen es/ ende dat hij ongepant te hove comen soude Dair op de scepen(en) van/ loeven(e) gemaent vanden meyere hebben gewijst vore een vonnisse datmen/ den voirs(creven) jacob uuten lyemyngen houden soude in zijnen beleyde alsoe verre/ alst noch voe(r) hen comen was cor(am) henr(ico) de calstris nycholao kersmake(re)/ geld(ulpho) rogge ger(ardo) de haenwijc dyonisio boys (et) arnoldo vande(n) velde junii xx