Van janne van vissenake ja(n)ne hoyxken/ ende janne swaus/ Tvo(n)nisse tusscen he(re)n woute(re)n van duerne p(er)soen van s(in)te peters/ vissenake die te borghe sedtte tot den eynde vande(n) rechte uut jorise/ foet van s(in)t yemelen vissenake in deen zijde en(de) janne van vissenake/ die te gade(re) met ja(n)ne hoyxken en(de) janne swaus met scepen(en) brieve(n)/ van loeven(en) beleidt es tot den goeden ja(n)nes wilen block van vissenake/ in dande(re) alse van xl vrancr(ijx) crone(n) die de voirs(creven) h(er)wout(er) meynde/ dat de voirs(creven) ja(n)nes bloc hem sculdich was oft in sijne(n) testame(n)te/ gemaect soude hebben Was gewijst met desen woirde(n) dat alsulke(n)/ aensprake als de voirs(creven) h(er) wout(er) gedaen hadde den voirs(creven) ja(n)ne van/ vissenake noch sine(n) medegeselle(n) aen hoe(re)n beleide gheen onstade doen/ en soude Cor(am) eisd(em)/