Cond zij allen lieden dat jan smeeds van pellenberch soen/ arnts wilen smeets es comen in jeg(enwordicheit) der scepen(en) van loven(e)/ en(de) heeft genomen en(de) bekent dat hij genome(n) heeft van/ he(re)n janne van weys geheten van duerne proefst des/ cloesters van ghempe inden name en(de) van wegen des/ selfs cloesters thof des voirs(creven) cloesters ghelegen te pellen/ berch met huysen hoven wynne(n)den lande beemden/ eeuselen en(de) allen ande(re)n hue(re)n toebehoirten den voirs(creven)/ hove toebehoe(re)nde gelijc de voirs(creven) wynne de voirs(creven) goede/ in tiden voirleden gehouden heeft uutgescheiden een/ stuc lants houden(de) een boender oft dair ontrent/ gelegen t(er) stat geheten in despt in p(ro)xim(itate) bonis/ pet(ri) de sancto petro (et) joh(ann)is gielijs dwelc de / voirs(creven) proefst selve tot sijnen profite hebben en(de)/ behouden sal sonder den selve(n) wynne e(n)nich recht/ dair inne te behouden te houde(n) te hebben en(de) te/ wynnen van halfmerte dat sijn sal int jair ons
//
he(re)n dusent vierhondert en(de) xxxvii ene(n) t(er)mijn van/ xii jaren lang deen na dander sond(er) middel/ volgende elx jairs dae(re)n bynne(n) de voirs(creven) vande [goede]/ om thien mudde rox goet en(de) paiabel d(er) maten/ van loven(e) te sinte andries misse apostels te betalen/ en(de) int voirs(creven) godshuys te leve(re)n alle jare den voirs(creven)/ t(er)mijn due(re)nde en(de) telken t(er)mijne als vervolghde schout/ende de voirs(creven) beemde om sess gripen te s(in)[te]/

mertens misse inden wynt(er) te betalen alle jaren/

den voirs(creven) t(er)mijn due(re)nde en(de) telken t(er)mijne/

als vervolghde schout Item is vorw(er)de dat de/ voirs(creven) wynne den voirs(creven) t(er)mijn due(re)nde dragen en(de)/ doen sal op sijnen vost alle den last en(de) [van] corweyden/ van gasterien en(de) van houden die den voirs(creven) hove/ ov(er)comen selen en(de) gelijc sij [hij] dat in tiden voirleden/ gedaen en(de) gedragen heeft sonder den voirscr(even)/ godshuys e(n)nigen last dair mede te hebben/ En(de) w(er)t also dat den voirs(creven) godshuyse d(aer) af e(n)nige(n)/ last quame dat heeft geloeft de voirs(creven) wynne/ den voirs(creven) godshuyse op te richten It(em) sal de/ voirscr(even) wynne alle jare den voirs(creven) t(er)mijn due(re)nde/ alle de voirs(creven) goede wel en(de) loflic houden en(de) bevrede(n)/ Es oec vorw(er)de dat de voirs(creven) wynne w(er)t also dat/ men int voirs(creven) hof yet maecte aen de huysinge/ van ouden wercke het wae(re) van decken of van/ plecken dat de voirs(creven) wynne den werclieden den/ montcost sal gheven en(de) voirs(creven) proefst de/ dachue(re)n betalen It(em) w(er)t oec also dat de voirs(creven)/ proefst int voirs(creven) hof e(n)nich nuwe werc woude/ doen maken soe is ond(er)sproken dat de voirscr(even)
//
wynne halen en(de) vue(re)n sal op sijnen cost alle ghereetscape(n)/ van houte en(de) anders des de voirs(creven) proefst int voirs(creven) hof/ behoeven sal [en(de)] also wel van ouden alse van nuwen wercke/ It(em) is vorw(er)de dat de voirs(creven) wynne de voirs(creven) lande wel/ en(de) loflic houden wynnen werven en(de) hante(re)n sal gelijc/ sijnen reengenoeten boven en(de) beneden en(de) dat hij de/ voirs(creven) lande laten sal ten eynde van sijne voirscr(even)/ t(er)mijne gelijc hier na volght te weten den wynt(er)art/ wel en(de) loflic bezaeyt op iiii getidege voren en(de) de/ storte eens om gedaen It(em) sal de voirs(creven) wynne alle/ de huyse vanden voirs(creven) hove vand(er) onderster rikelen/ ned(er)w(ar)t houden in goeden state op sijnen cost sonder/ den voirs(creven) proefst e(n)nigen last dair af te hebben/ It(em) sal de voirs(creven) wynne alle tstroe vande(n) voirs(creven) goede(n)/ come(n)de brengen int voirs(creven) hof en(de) dat ald(aer) etten en(de)/ te meste comen en(de) dmest d(aer) af comen(de) op tvoirs(creven) lant/ vue(re)n tslants meesten profite It(em) is noch vorw(er)de dat/ de voirs(creven) wynne den voirs(creven) proeft houden en(de) et/ vueden sal wynt(er) en(de) zomer een rint gelijc sijne(n)/ melcoeyen Ende alle dese voirs(creven) vorw(er)den geloften en(de)/ condicien voirs(creven) hebbe(n) geloeft (et)c(etera) hier af sijn borgen/ des voirs(creven) wynne(n) als p(ri)ncipael sculde(re)n ongesundert/ en(de) onv(er)scheiden en(de) elc voir al jan benick berick/ wonen(de) te cortbeke zegher vanden male van/ lovenjoel henric en(de) willem smeeds gebruede(re)/ wonen(de) te pellenberch et p(ri)m(us) boys voshem fe(bruarii) xxi