Cond zij allen liede(n) dat jan oskens die midts vo(n)nisse van/ scepen(en) brieve(n) van loven(e) gegoet en(de) geerft es voir meye(r)/ en(de) scepen(en) van lov(en) in seke(re)n goede(n) die toe te behoe(re)n plage(n)/ janne van pulle gelege te wynge in deen zijde de/ joffr(ouwe) maghtelt absoloens wedewe henrix wilen pag pape/ en(de) mychiel absoloens hoir brued(er) in dande(r) sijn come(n) in/ jegew(ordicheit) d(er) scepen(en) van lov(en) hier nae genoempt en(de) hebben/met malcande(r) gelooft en(de) [bekent en(de) verlijdt dat sij malcande(re)n geloeft hebben en(de)] vorw(er)den gemaect elc met den/ ande(re)n alsulke als hier nae volgen Inden yersten heeft gelooft/ de voirs(creven) jan oskens der voirs(creven) joffr(ouwe) maghtelden absoloens dat/ hij hoir met sijnre voirs(creven) goedinge(n) aen de helcht vande goede(n)/ van wynge dair sij uut cracht van scepen(en) brieve(n) van lov(en) dair
//
inne gegoet es tot hoe(r) tocht noch oec aen de geheel goede/ van scone(n)berge en(de) van wezemale gheen hijnd(er) doen en sal also/ lange als sij leeft met sijne(n) scepen(en) brieve(n) voirs(creven) noch met/ gheene(n) ande(re)n brieve(n) die hij heeft oft maken mach oft doen/ maken noch oec [op] de selve goede te spreken noch te eysscen van/ alsulken xv mudden rogs als dair hij inne gegoet es en(de)/ die jan wilen de pape in voirleden(en) tiden te huweleke gegeve(n) [gaf]/hadde met sijnre docht(er) wille(m)me vand(er) poirte(n) also lange als/ de voirs(creven) joffr(ouwe) maghtelt leve(n) sal ende oft soe wae(r) dat hier/ namaels jan de leeghe der voirs(creven) joffr(ouwe) vande(n) voirs(creven) xv mudde(n)/ rogs hijnd(er) doen woude oft die aenspreken dat jan oskens/ voirscr(even) met sijnre goedinge(n) dair mede dat hij d(aer) inne gegoet/ es dat sal helpen verantwerde(n) nae sijnre macht ende sond(er)/ argelist oft der selver joffr(ouwe) maghtelden dair ynne goeden hoir/ leefdage langc op hoe(re)n cost i op dat sijs begheerde bij also/ dat nae hoir doot de selve xv mudde rogs [erflic] wed(er) o(m)me come(n)/ selen op janne oskens en(de) sijns erfgename(n) sond(er) wed(er)segge(n) Des/ gelijx heeft gelooft de voirs(creven) joffr(ouwe) maghtelt en(de) mychiel abs(oloens) hoir/ brued(er) dat sij den voirg(enoemde) janne oskens aen de goede in sijnre goe/ dinge(n) begrepe(n) ne(m)mermeer hynd(er) noch letsel doen en selen met/ e(n)nige(n) brieve(n) die sij hebben oft wete(n) moege(n) oft met e(n)nige(n) ande(re)n/ wette(n) noch doen noch doon doen met e(n)nige(n) ande(re)n brieve(n) die sij/ gemaect moege(n) hebben behoudelic altoes den geloften en(de) vorwarde(n)/ voirscr(even) in hoe(r) macht sond(er) argelist Welke vorwarden en(de) geloften/bij voirscr(even) beyde de voirs(creven) p(ar)tien malcande(re)n gelooft hebben vast en(de)/ gesteedich te houde(n) en(de) te voldoen en(de) deen den ande(re)n d(aer) af altoes/ genoegh te doen also dat elken van hen vast en(de) seker sijn sal/ h(ier) wae(re)n ov(er) lomb(ar)t voshem sept(embris) ultima