Van jacoppe claes Tvonnisse tusschen jacop claes in deen zijde ende/ jacoppe robijns en(de) janne de h(er)toghe die geleit/ sijn tot den goeden jan robijns in dande(r) alse/ van seke(re)n ge erfgoeden te langdorp gelegen d(aer)/ af dat de selve jacop claes den voirs(creven) jacop/ robijns en(de) ja(n)ne den h(er)toge aengesproken heeft/ was gewijst met desen woirden na aensprake/ en(de) verantw(er)den van beyde p(ar)tien dat alsulke(n)/ aensprake als jacop claes ten voirs(creven) jacop robijns/ en(de) ja(n)ne de h(er)toge w(er)t gedaen hadde den selve(n)/ jacob ende ja(n)ne aen hue(re)n beleide gheen onstade/ doen en soude also v(er)re alst noch voir de scep(enen)/ comen is p(rese)nt(ibus) will(elm)o lomb(art) mych(aele) abs(oloens) ar(noldo) vync/ dyonis(io) boys (et) andr(ea) de voshem fe(bruarii) xix