It(em) want stoet en(de) tebat ov(er)staen is tusschen henricke van dolbrouc in deen zijde en(de)/ janne kerman sijnen swager in dande(r) van seke(re)n goeden gelegen te haeght en(de)/ inden lande van rotselaer te wespelaer inden lande van arschot oft elswaer/ hen bleven en(de) verstorven vander doet h(er) willems wilen van delbrouc ridders/ vader des voirs(creven) henrix en(de) swe[e]r des voirs(creven) jans Soe sijn beyde p(ar)tien/ come(n) voir scepen(en) van loven(en) en(de) hebben hen vanden voirs(creven) stoete v(er)bonden in/ segge(re)n en(de) vrintlijc iffene(re)n met wille en(de) consente vranx en(de) jans vander/ hofstad gebruede(re) alse naeste erfgename henrix wilen vander hofstad/ huers vaders die midts macht van scepen(en) brieve(n) van loven(en)/ geleyt was tot den goeden des voirs(creven) wilen h(er) willems Te weten de/ voirs(creven) henric in henricke absoloens et en(de) jose joese absoloens en(de) de/ voirs(creven) jan kerman inne henrike colibrant en(de) willeme de swerte in/ alsulker vvuegen dat de voirs(creven) jan kerman sijn aensprake ende/ bescheit dat hij totte(n) voirs(creven) goeden meynt te hebben sal doen setten in/ gescriffte en(de) ov(er)gheve(n) den segge(re)n des voirs(creven) henrix tusschen dit/ dit en(de) groet vastelavont naestcomen(de) Daer op de voirs(creven) henric/ sijn verantw(er)den sal doen setten in gescrifte en(de) dat ov(er)geven/ den segge(re)n des voirs(creven) jans bynnen xiiii nachten daer nae en(de)/ alse de segge(re)n aensprake en(de) verantw(er)den ov(er)hebben v(er)meten hen/ de p(ar)tien enegher thonissen dat selen sijn sij de segge(re)n aenhoire(n)/ en(de) huer seggen en(de) uutsprake vander voirs(creven) uutspraken doen bynne(n)/ xiiii nachte(n) nae dat sij tv(er)antw(er)den voirs(creven) selen hebben ont/ faen op dat sijs eens en(de) en(de) van accorde sijn Weert oic alsoe dats/ de segge(re)n niet eens gesijn en consten dat sij dan te samen oft dmeeste/ deel van hen eene(n) ov(er)man kiesen selen en(de) hem aensprake [v(er)antwerde(n)] en(de) alle/ bescheit dat de voirs(creven) p(ar)tien voir hen bracht selen hebben bynne(n) den
//
voirs(creven) tijde ov(er)geven selen welke ov(er)man sijn seggen en(de) uutsprake doen/ sal bynne(n) xiiii nachten daer naestvolgen(de) Ende is vorw(er)de waert/ dat enich vanden p(ar) voirs(creven) p(ar)tien van hue(re)n segge(re)n gebrake oft niet/ gecrigen en conste het wae(r) een oft meer dat sij in die stad/ ande(r) segge(re)n kiesen soude mogen en(de) die soude de selve macht/ hebben die de ghene hadde die alsoe gebrake Geloven(de) beyde/ voirs(creven) p(ar)tien vast en(de) gestedich te houden voir hen en(de) hue(re)n/ naecomelingen alle tghene des de voirs(creven) segge(re)n oft dov(er)man/ die vanden selve(n) segge(re)n genome(n) sal w(er)den vander voirs(creven)/ saken seggen en(de) t(er)mine(re)n selen tot eweliken dagen kersmake(re)/ smacht februarii viii It(em) de voirs(creven) p(ar)tien hebbe(n) den tijt/ d(aer)enby(n)ne(n) de segge(re)n hoer seggen segge(n) soude(n) verlingt tot xiiii nacht lang nae/ paesschen naestcomen(de) cor(am) borch(oven) smacht borch(oven) m(ar)tii xvi