It(em) is vorw(er)de dat de voirs(creven) guedinge sal bliven liggende/ onder scepen(en) van loven(en) in des(er) vuegen w(er)t also dat/ henric warnir in ghebreke wae(r) aen de capittel van/ nyvel van alsulker vorw(er)den als en(de) geluften als hij/ der selv(er) cap(it)len en(de) colarde de martin vaul gedaen/ heeft van hue(re)n hove gelegen te laetwijc den/ t(er)mijn van xii jae(re)n lang due(re)nde het wae(re) in/ al of in deele datmen dan den voirs(creven) colarde/ met der voirs(creven) guedingen behulp doen sal om de/ goede te aen hem te slaen te becu(m)me(re)n oft te v(er)copen/ tot derre tijt toe dat tselve capittel vernueght/ en(de) voldaen sal wezen vander geluften voirs(creven) en(de)/anders niet coste van rechte die dair op come(n)/ mochte en(de) anders niet ende ten eynde vande(n) t(er)mijne/ vanden tweelf jaren als de voirs(creven) henric voldaen sal/ hebben en(de) vanden goede der voirs(creven) cap(it)len gescheide(n)/ sal wezen datmen dan de voirs(creven) guedinge te nieute/ doen sal en(de) a(n)nichele(re)n cor(am) eisdem