Cond zij allen lieden dat jan vanden bossche van kerckem jans sone is comen/ in jegh(ewoirdicheit) der scepen(en) van loven(en) en(de) heeft genomen en(de) bekent dat hij genomen heeft/ van h(er) symoen pynnoc ridde(r) thof des selfs h(er) symoens geheten tgoet te voerde/ gelegen inder p(ro)chien van libbeke mette(n) wynnenden lande maeybeemden eeuselen/ en(de) allen sijne(n) toebehoirten uutgescheyden een [die] schadewacht en(de) een beemdeken/ daer neven gelegen met eene(n) beemde acht(er) alboems te gade(r) metten dachmael/ daer den wijngaert op gesedt was en(de) daer nu wijen op staen inden bogaert/ jeghen tvoirs(creven) hof ov(er) de welke de voirs(creven) jan vanden bossche niet hebben en sal/ Te houden te hebben en(de) te wynne(n) eene(n) t(er)mijn van neghen jae(re)n lang due(re)nde/ deen nae den ande(re)n stappans sonder middel volgen(de) ingaende tot half merte/ int jaer ons he(re)n alsmen scrive(n) sal duysent vierhondert en(de) vertich nae/ gewoente van scrive(n) shoefs van ludic elx jaers dae(re)nbynne(n) om veertich en(de)/[eenen halven] sack rogs en(de) eene(n) halve(n) sack rogs twe sacke tarwen en(de) neghen halster gherste(n)/ elx goet en(de) paeyabel met wanne en(de) met veede(re)n wel bereyt der maten van/ thienen te weten sesse halster der selver maten voir eene(n) sack gerekent/ ende om tweelf molevate witter erweten alsulken alse de voirs(creven) wynne op/ tvoirs(creven) goet wynne(n) sal alle jae(re) te sinte andries misse apostels te betalen/ en(de) te loven(en) oft te aerschot te leve(re)n soe waer dat h(er) symoen dat best sal/ genueghen en(de) de voirs(creven) eeusele en(de) maeybeemde om xxiiii goede rijnsche/ gulden oft de w(er)de daer voe(r) in ande(re)n goeden gelde te s(in)[te] m(er)tens misse/ inden wynter te betalen alle jae(re) [den voirs(creven) t(er)mijn duere(n)de] q(u)[o]lib(et) ass(ecutu)[m] It(em) sal de voirs(creven) wynne den/ voirs(creven) h(er) symoen jaerlijx saeyen een halster lijzaets op tselve lant daer hij/ sijns selfs lijsaet zaeyen sal en(de) ten tijde als dlant bezeeyt [bereyt] sal sijn te bezaeyen/ soe sal h(er) symoen voirs(creven) kyesen oft doen kyesen op wat eynde oft sijden hij sijn/ lizaet gesaeyt hebben wille en(de) daer saelt de wynne saeyen op alsoe dat/ h(er) symoen alle jae(re) den zaet daer toe leve(re)n [sal] It(em) sal de voirs(creven) wynne jaerlijx/ den voirs(creven) t(er)mijn duer(en)de leve(re)n stoffe en(de) een half hondert [sess vi(½)[c]] walme(re) alsulken/ als ande(r) wynne(n) daer omtrent hae(re)n heerscap boven en(de) beneden jaerlijx
//
leve(re)n om de huysinge vanden voirs(creven) hove mede te decken en(de) alsmen die/ aldaer verdeckt soe sal de wynne den werclueden de montcost gheven/ en(de) symoen sal de dachue(re)n betalen alsoe langhe alse de voirs(creven) sesse ende/ een half hondert walme(re) due(re)n en(de) teenen dachroeden en(de) witselroeden sal/ de voirs(creven) wynne halen opde voirs(creven) goede en(de) die den werclueden sonder/ h(er) symoens cost leve(re)n Voert sal de selve wynne alle de huyse die/ hij houden(de) is vanden voirs(creven) h(er) symoen op sijne(n) cost houden sal vander/r nederster rikelen nederw(er)t totter platen ende w(er)t alsoe dat/ h(er) symoen aende voirs(creven) huyse die de wynne houden(de) is bynne(n) den/ voirs(creven) t(er)mijne yet woude doen plecken oft decken daer toe sal de wynne/ op sijne(n) cost den leem halen en(de) den werclueden den montcost gheven/ en(de) h(er) symoen sal de dachue(re)n betalen Voert sal de wynne den voirs(creven)/ h(er) symoen jaerlijx den voirs(creven) t(er)mijn due(r)ende doen en(de) w varen met/ sijne(n) waghen en(de) p(er)den sesse vaerde tot loven(en) en(de) telker vvaert vueren/ des h(er) symoen oft yemande van sijne(n) weghen sal genueghen ende/ soe wanneer die selve wynne den voirs(creven) h(er) symoen yet vvueren/ sal buyten den voirs(creven) hove soe sal hem h(er) symoen oft sijne(n) boden den/ montcost gheven en(de) sijne(n) p(er)den hoey en(de) coren Item en sal de voirs(creven)/ wynne bynne(n) den voirs(creven) t(er)mijne gheen lant moegen hoervruchten/ hij en saelt graven en(de) meesten Item de voirs(creven) wynne mach jaerlijx/ sijn berringe houden aende voirs(creven) beemde en(de) lant dat hij houden(de)/ is ter minster scaden ende waert alsoe dat de wynne eeneghe/ verdroeghde beemde boeme inde bog(ar)de oft op die voirs(creven) goede afhieuwe/ soe soude hij dan voir elken verdroeghden boem twe levende poten/ vanden selven aerde en(de) sape soe men dat naest geraken conste/ weder moeten doen setten sonder erghe lijst Item selen de voirs(creven)/ h(er) symoen en(de) de wynne hebben half en(de) half doeft dat jaerlijx
//
opde voirs(creven) goede wassen sal en(de) de wynne sal alle jae(re) op sijne(n) cost den/ voirs(creven) h(er) symoen sijn helicht ter eerden leve(re)n en(de) dan tot loven(en) bringen maer/ waert alsoe dat h(er) symoen oeft vercochte soe en soude de wy(n)ne van h(er) symoens/ dele van lesen oft vueren ghene(n) last hebben Item is vorwerde dat de voirs(creven)/ wynne de voirs(creven) goede ten eynde vanden voirs(creven) t(er)mijne bezaeyt late(n) sal gelijc/ dat hijse vant te sijne(n) aencome(n) die storte om gedaen ende die selve goede/ dan oic bevreedt late(n) gelijc dat hijse vant te sijne(n) income(n) ten prijse van/ goeden lieden It(em) noch sal de voirs(creven) wynne hebben den voirs(creven) t(e)rmijn lang due(re)nde/ den voerhof bynnen tgelynt dat daer plach te staen den waermoes/ hof achter de huysinge den dyke aen gheerts van ype(re) en(de) den sold(er) bove(n)/ den peertstal It(em) vanden crane(n)beempt es ondersproken want alle de senk [stenycke]/ daer inne uutgedaen sijn en(de) h(er) symoen dien heeft doen ryoelen soe/ sal de wynne dien beempt wel gerioelt laten houden en(de) te(n) afscheyde(n)/ van sijne(n) voirs(creven) t(er)mijne die gerioelt late(n) en(de) alle de struycke uutgedaen/ sonder h(er) symoens cost It(em) voertmeer soe sal de voirs(creven) wynne int/ voirs(creven) hof jaerlijx brenge(n) sijn gedeelte vander thienden die hij genome(n)/ en(de) gepacht heeft jegen den abt van p(er)ke ende desgelijx alle stroe ende/ hoey opde voirs(creven) goede jaerlijx wassen(de) en(de) dat eette(n) en(de) slite(n) met/ sijne(n) beeste(n) en(de) te meste maken en(de) dmest weder uut vueren op tvoirs(creven)/ lant en(de) ten leste(n) jae(r) vanden voirs(creven) t(er)mijne soe sal de wynne desgelijx/ oic allet dmest bynne(n) den voirs(creven) hove sijnde uutvuere(n) opt tvoirs(creven)/ lant slants meesten profijte op alsoe dat de selve wynne vander/ voirs(creven) thiende(n) jaerlijx hebben sal alsoe lange hij die gepacht heeft/ oft verpachten sal x mandelen stroes sijne(n) wille mede te doen ende/ gevielt alsoe dat ten afdragen(e) oft [haerde] jaer quame van wassen van coren
//
soe sal de voirs(creven) wynne dan dat jaer tot [noch] viii mandelen stroes hebben/ totten x mandelen stroes voirs(creven) It(em) de voirs(creven) wynne sal alle jae(re) op sijne(n)/ cost halen en(de) vueren int voirs(creven) hof alle de berringe dieme(n) aldaer ver/ berne(n) sal alse h(er) symoen voirs(creven) oft mijn vrouwe sijn gesellinne oft/ yemant van hae(re)n wegen int tselve hof wesen sal desgelijx oic sal/ de voirs(creven) wynne jaerlijx int voirs(creven) hof vueren allet hoy datme(n)/ hoeyen sal opden beempt geheten scadewachte en(de) op een cleyn beemdeken/ dair neve(n) en(de) oic op eene(n) beempt acht(er) alboems gelege(n) soe wa(n)neer/ tselve hoey droege sal sijn en(de) hem dat van h(er) symoen voirs(creven) oft/ yemandt van sijne(n) wege(n) gecundicht woirdt It(em) de voirs(creven) h(er) symoen/ sal den voirs(creven) wynne jaerlijx gheve(n) vijf ellen wullens lakens/ alsulx als hij gheve(n) sal tot sijnre berninge(n) [levereyen] behoef It(em) is gevor/ weert ende ondersproken w(er)t alsoe dat den voirs(creven) h(er) symoen oft oic/ den wynne geliefde ten sesse jae(re)n te scheiden vanden voirs(creven) t(er)mijne/ deen vanden ande(re)n dat sij dat doen selen moegen op alsoe dat/ de ghene die alsoe van hen scheiden wilt dat den ande(re)n/ een jaer te voeren cond sal doen en(de) late(n) wete(n) om sijn beste te/ verwerven Item gevielt alsoe dat god verhuede moet dat/ die tempeeste quame van wede(r) soe sal de voirs(creven) h(er) symoen [hen] daer/ af rastoer doen gelijc ande(r) smale he(re)n wynne(n) bynne(n) den/ dorpe van libbeke doen selen hier af sijn borge(n) jan kympe/ van kerckem willem vander vonde(re)n van houdert et p(rim)(us)/ smacht smet fe(bruarii) iiii[ta]