SAL7331, Akte: R°69.1 (61 van 348)
Zoek akte
Vorige | Volgende
Akte R°69.1  
Act

Transcriptie

2018-11-07 door kristiaan magnus
It(em) jan renu(n)c(ians) ut supra en(de) gordt van rode gebruede(re) soen(en) gordts wilen van/
rode willem de witte de jonghe en(de) henric vanden scrieke als mo(m)boren/
lijsbetten en(de) marien huer wive suster der voirs(creven) gebruede(re) sijn comen/
in jeg(ewoirdicheit) der scepen(en) van loven(en) en(de) hebben malcande(re)n geloeft dat sij de goede/
die hen verstorven sijn vand(er) doet d svoirs(creven) goerdts van rode te weten/
leengoede tsijsgoede en(de) eygengoede te gelike in vierdeelen deylen selen/
uutgenomen huys en(de) hof met den wouwe(r) d(aer) toe hoirende gelegen/
te(re)nboud(egem) inde p(ro)chie van holsbeke Dwelc de voirs(creven) gebruede(re) onder/
hen beyden voir uut hebben selen behoudelijc dien dat de voirs(creven)/
gebruede(re) tp(ro)fijt vanden voirs(creven) goeden alsoe verre alst leengoede sijn/
hebben en(de) behouden selen alsoe lange en(de) tot dat den voirs(creven) hue(re)n/
swaghe(re)n alsoe vele goeds van janne van rode hoere [wive] oem v(er)storven/
selen sijn als die selve leengoede weert sijn ende dat geschiet/
sijnde salmen alle de goede leene en(de) ande(r) in vieren deylen gelijc/
voirs(creven) is uutgenomen thuys en(de) hof met den wouwe(r) voirs(creven) alsoe lange als de voirs(creven) jan van rode leven sal Ende noch is vorw(er)de/
wilt de voirs(creven) jan sijns vaders leengoede hebben voir ande(r) goede/
datmen hem die volgen selen voir tsijsgoede en(de) eygengoede die/
hij den ande(re)n alsoe goet daer jeghen ov(er)gheven en(de) bewijsen/
sal cor(am) eisd(em)
Nagekeken doorKarel Embrechts
ModeratorKarel Embrechts
Laatste update:: 2012-08-27 door Sabrina Keyaerts