Het sijn comen in rechte inde banc voir meyer en(de) scepen(en) van loven(en) arnt/ de pelsmake(r) die na den rechte der stat van loven(en) come(n) en(de) geleyt/ is tot den goeden henrix kyp van wesemale in deen zijde en(de)/ jan van gheele in dande(re) daer de voirs(creven) arnt een aensprake/ dede ten voirs(creven) janne w(er)t van vijftich peters elken peter te/ xxv cromsterten die de voirs(creven) jan onderhadde en(de) sculdich/ was vande(n) coepe van eene(n) eeusele gelege(n) opte wynghe/ dat de voirs(creven) jan jegen den voirs(creven) henricke kyp gecocht/ hadde [also hij meynde] Meynen(de) dat hem en(de) sinen beleyde de voirs(creven) l/ peters sculdich wae(re)n te volghen bij meer ande(re)n reden(en)/ die hij daer toe dede seggen(de) Daer op dat de voirs(creven) jan/ van gheele hem verantw(er)de en(de) dede seggen kenne(n)de de/ voirs(creven) comescap dat de voirs(creven) vijftich peters bevorw(er)t wae(re)n/ inde(n) coep vande(n) voirs(creven) beemde aen wien en(de) te plaetsen/ hij die inde(n) name vande(n) voirs(creven) henricke kyp beke(re)n soude/[en(de) dat hij daer af sijn schout gemaect hadde in so(m)migen deele] eer en(de) voir der tijt dat de voirs(creven) arnt tot den goede(n) des/ voirs(creven) henrix kyp geleyt waert gelijc hij dat boet te bewisen/ met den ghene(n) die daer af te spreken wisten en(de) met/ den mynsten (et)c(etera) Hoopte en(de) meynde de voirs(creven) jan van/ gheele want hij tvoirs(creven) gelt vande(n) voirs(creven) coepe betaelt en(de) op/ hem genome(n) hadde en(de) sijn schout daer af gemaect eer/ en(de) voe(r) tvoirs(creven) beleyt dat hij der aensprake(n) ongehoude(n)/ soude wesen en(de) gestaen tvoirs(creven) gelt te bekee(re)n gelijc als de/ comescap tusschen hem en(de) den voirs(creven) henricke kyp inhadde/ daer op dat de scepen(en) van loven(en) gemaent vande(n) meye(r)/ wijsden den voirs(creven) janne van gheele tot sijnre waerheit/ van bewisen tot welke(n) daghe de selve jan thoende en(de)/ openbaerlic bewijsde met goede(n) ma(n)nen en(de) den ghene(n)/ die tvoirs(creven) gelt in so(m)migen deele gehave(n) hadden dat hij/ tvoirs(creven) gelt geheelic en(de) al voir tvoirs(creven) beleyt betaelt/ of verantw(er)t te betalen hadde uutgenome(n) van eene(n) peter/ van goude die de voirs(creven) jan niet bewisen en conste also/ dat behoirde Also dat de scepen(en) van loven(en) t(er) manisse(n)
//
smeyers na aensprake verantw(er)den en(de) bewisenisse gewijst/ hebben voir een vonnisse dat de voirs(creven) jan van gheele/ gestaen soude met alsulker bewisenissen als hij vande(n)/ voirs(creven) gelde gedaen hadde uutgenome(n) vande(n) peter voirs(creven)/ p(rese)nt(ibus) k(er)smak(er) roelofs borch(oven) ca(pelle)[ma(n)] ov(er)wynge iunior/ jul(ii) ulti(m)a
//