Cond zij allen lieden dat sweder van facouwez he(re) van mulstede/ is comen in jeg(enwordicheit) der scepen(en) van loven(e) en(de) heeft uutgegeven en(de) bekent/ dat hij uutgeg(even) heeft jacop de grote van mulstede sijn goede/ van mulstede metter molen beemden wate(re)n pachte tsijse renten/ metten pontgelde coren en(de) vervallen en(de) allen ande(re)n toebehoirten/ tot den goeden en(de) heerlich(eit) van mulstede behoirende gelijc de/vvoirs(creven) swed(er) en(de) jouff(rouwe) marie sijn gesellynne de voirs(creven) goede ald(aer)/ houden(de) sijn Te houden te hebben en(de) te heffen van s(en)[te] remeysavonde/ naestcomen(de) eenen t(e)rmijn van twelf jae(re)n lang deen nae dander/ sond(er) middel volgen(de) elx jaers dae(re)n bynnen om vivennegentich/ peters Te weten tsestich placken alsulx gelts als telken t(er)mijne/ van betalingen gemeynlijc in borsen gaen sal voir elken peter/ gerekent half te kermisse en(de) half te paesschen te betaelen jaerlijc/ den voirs(creven) t(er)mijn duerende quolib(et) ass(ecutu)[m] It(em) es vorw(er)de dat de/ voirs(creven) jacop de molen van mulstede houden sal op sijnen cost van/ allen we[r]ke dat dair aen behoeven sal en(de) dair toe sal hij thout/ moghen nemen op de goede van mulstede en(de) en wairs dair niet/ genoech soe soude de voirs(creven) swed(er) thout dair omtrent moeten/ bewijsen dat men dair toe behoeven soude en(de) sal soude en(de) sal/ de voirs(creven) jacop ten eynde vanden voirs(creven) t(er)mijne de molen bloet laten/ van steenen Item es vorw(e)rde dat de voirs(creven) jacop de uwers wuwers van/ mulstede jaerlijx op sijnen cost sal doen scoenmaken en(de) die ten/ eynde vanden voirs(creven) t(er)mijne wel geruymt en(de) scoengemaect laten/ mair hij sal te alreheylegenmisse nae den eynde vanden t(er)mijne voirs(creven)/ den selven wuwe(r) moghen wijsschen te sijnen p(ro)fijte bij alsoe dat/ hij alsdan weder dairop spisen en(de) laten sal iiii[c] anthenoise en(de)/ iivorstecarpers Es noch vorw(er)de geschiede den voirs(creven) jacop aenden/ wuwe(r) voirs(creven) enich scade van oirloge by(n)nen den voirs(creven) t(er)mijne dair/ af sal swed(er) hem rastoir doen ter taxacien van goeden knapen/ het en wae(re) dat dat geviele tusschen alreheylegemisse en(de) vastenavont/ in dien s tide soude hij van restitucien ongehouden sijn Item is vorw(er)de/ wairt den voirs(creven) jacop enigen stoet gemaect aen erflich(eit) oft aen/ die heerlich(eit) van mulstede dat de voirs(creven) swed(er) den voirs(creven) jacop/ dat soude helpen v(er)antw(er)den op des voirs(creven) jacops cost ca(pelle)[man]s met/ junii xxvii