Item want stoet en(de) tebat opverstaen was tusscen henricke van lye(re) in deen sijde/ en(de) goerde bollens in dande(re) alse van hue(re)r beyder huysen erve(n) acht(er) aen een/ comende [tussce(n) de goede gheerts de wapemake(re)] Soe sijn beyde de voirs(creven) p(ar)tien come(n) voir scepen(en) van loven en(de) hebben/ hen voirde(n) voirs(creven) stoete gesedt en(de) gesubmitteert ind(er) stat [meesters en(de)] wercliede(n) van loven(en)/ h(ier) nae genoemt Te wete(n) in meester janne vand(er) brugge(n) meest(er) plisse meest(er)/ lodewijke van hortbeke en(de) meest(er) willeme te beer Gelovende de voirs(creven) p(ar)tien/ vast en(de) gestedich te houde(n) en(de) te volbringe(n) wes de voirs(creven) meesters vande(n)/ voirs(creven) stote eendrechtichlic seggen en(de) p(ro)nu(n)cie(re)n sellen ca(pelle)[ma(n)] smet/ oct(obris) xxv