van pete(re)n vanden kerchove en(de)/ jouff(rouwe) magriete(n) vander logen/ Tvonnisse vanden gedinge hangen(de) tusschen pete(re)n vanden kerchove van bolenbeke/ en(de) jouffr(ouwe) magriete(n) weduwe jans wilen vander logen sijnre sweger in deen zijde/ en(de) henrike vander beke van ossele in dande(re) als van eene(n) stucke erfs geheten de/ heyde gelege(n) inde p(ro)chie van ossele tussche(n) de goede scloesters van grymbergen/ en(de) de goede svoirs(creven) henrix welc erve de voirs(creven) henric verloe(re)n hadde mette(n) rechte/ yesch daer om vanden voirs(creven) pete(re)n en(de) jouffr(ouwe) magriete(n) rastoer te hebben midts/ dien dat sij de goede des voirs(creven) jans wilen vander logen die hem tvoirs(creven) erve/ met ande(re)n erve vercocht hadde en(de) daer af geloeft hadde genoech te doen aen/ veert hadde(n) daer inne sij meynde(n) dat sij niet gehouden en wae(re)n midts dien/ dat hem jan vander logen de voirs(creven) heyde met a(n)de(re)n erve ov(er)gaf in alsulke(n) rechte/ als hij daer aen hadde en(de) niet voerde(r) en(de) dat boden sij te thoenen dwelc hen de/ voirs(creven) henric ov(er)gaf te thoene(n) opdat sij consten Sprack hem oic aen van vier/ tsijsguldene(n) erflijc die uut den goeden ghinge(n) die h(er)ma(n) de wissele(re) van bruessel/ daer aen hadde die hij van hen begheerde afgedaen te hebbe(n) daer af sij thoende(n)/ met eene(n) placate van bruessel dat sij daeraf voe(r) de stad van bruessel in rechte/ gestaen hadde(n) en(de) dat de voirs(creven) henric daer gekent hadde dat hij de voirs(creven) goede/ jege(n) ja(n)ne wilen vander loge(n) met meer co(m)mers opde voirs(creven) vier guldene gecocht/ hadde hoe wael hijse weyg(er)de te betalen midts dien dat hem de voirs(creven) heyde/ afgehouwe(n) was Voert seyde de voirs(creven) henric dat den co(m)mer uut den voirs(creven) goede(n)/ gaende en(de) daer op hij de goede die hij jege(n) janne vander logen creech die/ geslage(n) was op liii guldene en(de) ix pl(a)c(ken) nu meer gedroech en(de) verloepen was/ wel de weerde van vier guldenen die hij met rechte hadde moete(n) betalen/ en(de) dat boet hij te thoene(n) hoepte daer om dat de voirs(creven) peter en(de) sijn/ sweger hem dat oic oprichten soude daer op de jouff(rouwe) en(de) peter antw(er)den/ dat sij hem daer af gheen richtinge doen en souden al wae(re) den tsijs/ seder verloepe(n) inden lande oec en soude hij nu(m)mermeer co(n)ne(n) gethoene(n)/ dat hij daer af yet met rechte verloren hadde ten dage van thoene(n) thoenden/ sij dat alsoe sij hen vermete(n) hadde(n) en(de) de voirs(creven) henric en volqua(m) sijns vermets/ niet alsoe dat de he(re)n scepen(en) gemaent vanden meye(r) wijsden voe(r) een vo(n)nisse/ nae aensprake a(n)twerde en(de) thonisse en(de) nae dov(er)geve(n) dat de voirs(creven) henric den/ voirs(creven) pete(re)n en(de) sijnre sweg(er) ov(er)gegeve(n) hadde dat sij ongehouden souden sijn van/ alsulker aenspraken als de selve henric te henw(er)t gedaen hadde p(rese)nt(ibus) pynnoc/ milite abs(oloens) wit(te)[ma(n)] vynck boys voshem scab(inis) lov(aniensibus) oct(obris) xxv[a]
//