Van h(er) arnde van loe prieste(re)/ It(em) want h(er)art van loe prieste(re) die naeden rechte der stad van love(n) geleyt is/ tot alle(n) den goede(n) have en(de) erve jans scelkens en(de) jans sijns soens metter/ stad brieve(n) hadde doen inscrive(n) marie(n) vanden zande wout(er)en en(de) janne [jacops] huer/ zoene van beerse die hem aen so(m)mege vanden voirs(creven) goeden te wete(n) aen/ alle de leengoede hier nae bescreve(n) bleve(n) en(de) verstorve(n) wander doet wout(er)s/ wilen jacops ongebruyc deden Te wete(n) inden iersten aen een stuck lants gelege(n)/ te beerse aende(n) ouden venne tussche(n) de goede der kijnde(re)n magriete(n) lemmens en(de) willems/ van wilde(re) Item aen een stuck lants gehete(n) dnederlant gelege(n) tussche(n) de goede jans/ claeskens en(de) peter wouts Item aen een stuck lants gehete(n) den coenians acker/ gelege(n) tusschen de goede lucas scelkens en(de) godevarts vanden broeke Item aen/ een stuck lants gehete(n) den cleyne(n) acker naest den goeden jans van pulle/ Item aen een stuck erfs gelege(n) tusschen de goede godev(ar)ts vanden broeke voirs(creven)/ en(de) gorts van wilme(re) Item aen een stuck erfs geheten robijns velt gelege(n) neven/ de goede wouter scelkens en(de) jans goens Daer af dat de voirs(creven) p(er)soene/ op heden dach hadden inde banc te loven(en) en(de) de voirs(creven) marie en(de) huer kijnde(re)/ op heden niet comen en sijn den voirs(creven) h(ere)n arnde voirt recht versueken(de) is/ gewist voe(r) een vo(n)nisse datme(n) den voirs(creven) h(ere)narnde vanden voirs(creven) goeden houden/ sal in sijne(n) beleyde alsoe verre alst noch voir hen comen was p(rese)nt(ibus) pynnoc/ milite abs(oloens) wit(te)[ma(n)] [vynck] boys voshem oct(obris) ultima
//