Wij joes absoloens en(de) wout(er) witteman scepen(en) van loven doen cond en(de)/ kenlick allen liede(n) dat voe(r) ons comen sijn andries de wapenmake(re) loden merx/ als seggeren genome(n) van will(em)me ghijs [die geleidt is tot allen den goeden thijs sijns brued(er)s] in deen sijde cornelis lambrechts/ en(de) wouter van rotselair als vrientlic yffene(re)n gecoren van henricke snoeck/ alse van gel sekeren goede(n) gelegen inde prchie(n) van leefdale van ev(er)sb(er)ge/ en(de) van voshem ende hebben hue(re) t(er)minacie en(de) seggen tusscen de voirs(creven) p(ar)tie/ vande(n) voirs(creven) stoete wesende geseeght ende gepronu(n)cieert ind(er) manie(re)n h(ier) nae/ volgende Inden yersten dat de voirs(creven) willem ghijs den voirs(creven) henricke/ snoeck goedinge doen sal vanden goede(n) h(ier) nae bescreve(n) [gelegen inde selve p(ro)chien] dairt den selven/ henricke best genuege(n) en(de) altijt op cost des selfs henrix Item inde(n) yersten/ van huyse en(de) hove gelege(n) inde p(ro)chie van leefdale tusscen de goede henrix/ snoeck en(de) de goede jans op den berch Item vand(er) helcht van ene(n) stucke/ lants gelegen op dbosch velt tusscen de goede van hafflege(m) en(de) henrix snoec/ It(em) vand(er) helcht van ene(n) stucke lants op tselve velt gelege(n) tusscen de goede/ jans op den berch en(de) alijt mommart It(em) vand(er) helcht van ene(n) stucke/ lants gelege(n) op tselve velt It(em) de helcht van ene(n) stucke lants gelegen/ tusscen de goede henrix snoeck en(de) den driesch It(em) vand(er) helcht van/ enen stucke lants op tselve velt gelege(n) tusscen de goede henrix de/ wijngarde(re) en(de) de goede daneels stroebants Item vand(er) helcht van/ ene(n) stucke lants gelege(n) op mickpoel velt tussce(n) de goede d(er)/ kynde(re)n van den bossche en(de) arnts lachaert Item vand(er) helcht van/ ene(n) stucke lants op tselve velt gelegen tusscen de goede d(er) voirs(creven) kynde(re)n/ en(de) jans van haren Item vand(er) helcht van ene(n) stucke lants gelegen/ op de hougracht tusscen de goede jans vande(n) male en(de) arnts lacharde/ It(em) vand(er) helcht van ene(n) stucke lants [houden(de) v dach(mael)] gelege(n) op heymansvelt/ tusscen de goede henrix snoeck en(de) jans vande(n) male vors(creven) Bij alsoe/ dat soe wanneer dat de vors(creven) goedinge alsoe bij den vors(creven) will(em)me/ gedaen sijn sal dan sal de selve henrick den voirg(enoemde) will(em)me t(er)/ stont gheve(n) en(de) betalen vijf gripen te xl pl(a)c(ken) oft alsoe/ gebuerde dat de selve henric vande(n) voirs(creven) goede(n) o goede(n) gedue(n)ge(n)?/ ontfaet voe(r) hof en(de) he(re) soe sal de selve willem vanden goeden/ voirscr(even) voe(r) scep(enen) van lov(en) sijn beleidt quijtschelden abs(oloens) wit(te)[ma(n)] no(vembris) xxv [xxviii]
//