Want brued(er) peter margynne vanden p(re)dicke(re)n orden(en) van loven sone alarts wilen/ margynne die overmids vonnesse van scepen(en) brieven van loven come(n) en(de) geleydt/ es tot allen den haefliken goeden des vors(creven) alarts wilen sijns vaders mett(er) stat/ brieve(n) van loven op heden alh(ier) voe(r) meye(r) en(de) scepen(en) van loven te sijne hadde/ doen inne scriven arnde vand(er) specht van latinck mids seke(re)n ongebruyke die hij/ hem aen sommige(n) vanden vors(creven) goeden ongebruyck dede en(de) vorhielt te weten/ aen lx gulden peters die de arnt sculdich was [en(de) tachter bleven es] alse van seke(re)n erfgoeden die/ hij gecocht hadde toebehoe(re)nde den vors(creven) wilen alarde meynende de vors(creven) brued(er) dat/ de vors(creven) somme gelts hem en(de) sijnen beleyde volgen en(de) toebehoe(re)n soude uut macht/ van sijnen vors(creven) scep(enen) brieve(n) en(de) nyemande and(er)s Tot welken daige de selve arnt/ te rechte jegen den vors(creven) brueder pete(re)n niet en quam Versuekende voirts/ trecht over den vors(creven) arnde nae inhouden van sijne(n) vors(creven) scepen(en) brieve(n) / soe dat de h(e)r(e)n dscepen(en) van loven t(er) manissen smeyers gewijst hebbe(n)/ voe(r) een vonnesse datmen den vors(creven) brueder pete(re)n vanden vors(creven) lx gulden/ peters houden sall in sijnen beleyde also verre alst noch voe(r) hen comen was/ p(rese)ntib(us) lomb(ar)t abs(oloens) wit(te)[ma(n)] boys m(ar)tii xxix