It(em) willem de scheepe(re) van velpe joh(ann)es scheepe(re) zijn sone arnt van/ holsbeke van nedervelpe wout(er) de welde en(de) wout(er) oeghe zwage(re)n des/ voirs(creven) jans hebbe(n) verhuert en(de) bekent dat sij verhuert hebbe(n) arnde/ de brieve(re) gehete(n) mu(n)te(re) de goede h(ier) na bescreve(n) te wete(n) een woeni(n)ge/ met huyse(n) hove(n) bog(ar)den wy(n)nen(de) lande d(aer) toebehoe(re)nde gelegen/ te velpe aen den myng(er)loe driesch It(em) een (½) dach(mael) beemts/ gelege(n) ald(aer) acht(er) de weert bloc It(em) eene(n) beemt houden(de) drie/ dach(mael) gelege(n) d(aer) bijden voirs(creven) driesch te houde(n) en(de) te hebben tvors(creven)/ huys en(de) hof en(de) (½) dach(mael) beemts vande(n) daghe van hede(n) ov(er)/ v jair d(aer) naestcomen(de) en(de) de voirs(creven) vi drie dach(mael) beemts/ vande(n) dage van hede(n) ov(er) vi jair naestvolg(ende) voir een seker so(m)me/ van ghelde d(aer) af de voirs(creven) willem en(de) zijn kinde(re) bekent hebbe(n)/ dat sij wael vernuegt en(de) betaelt zijn Geloven(de) de selve/ willem en(de) zijn kinde(re) de huyse h te houde(n) van wande en(de)/ van dake en(de) den tsijs vande(n) voirs(creven) goede(n) te bet(alen) de(n)/ voirs(creven) tijt due(re)nde en(de) den voirs(creven) arnde vand(er) voirs(creven)/ hueringe(n) warant te sine vync voshe(m) ap(ri)l(is) iiii[ta] v[ta]
//