It(em) henric pauwels woenen(de) te berthem es come(n) in jeg(ewordicheit) d(er) scepen(en) van loeven(en) / en(de) heeft genome(n) ende bekent dat hij genome(n) heeft van jouff(rouwe) magriete(n) van / ov(er)dile alle de lande der voirs(creven) jouffr(ouwe) magriete(n) gelege(n) te berthe(m) ende dair / omtrent Te houde(n) te hebbe(n) en(de) te wynne(n) van s(en)[te] denijsmisse lestlede(n) eene(n) / t(er)mijn van ix jae(re)n lang deen nae dand(er) sond(er) middel volgen(de) elx jaers dae(re)n / bynne(n) om derthien mudde rox goet en(de) payabel der mathen van loeve(n) alle / jae(re) te sinte andries misse apostels te betale(n) en(de) te loeve(n) te leve(re)n q(uo)lib(et) ass(ecutu)[m] It(em) heeft genome(n) de voirs(creven) henrick de beemde der voirs(creven) jouffr(ouwe) magriete(n) / ald(air) gelege(n) de(n) voirs(creven) t(er)mijn due(re)nde elx jaers dae(re)n bynne(n) om neghen mottoene / te xxviii pl(accen) payments voe(r) de(n) dobbele(n) mottoen gerekent alle jae(re)n te s(in)[te] m(er)tens / misse inde(n) wynt(er) te betale(n) de(n) voirs(creven) t(er)mijn duerende q(uo)lib(et) ass(ecutu)[m] It(em) sal de voirs(creven) wynne / de voirs(creven) lande wynne(n) en(de) werve(n) op sijn getidege voe(re)n gelijc sine(n) regenote(n) / It(em) waer dat de voirs(creven) [wynne de ] lande voirg(enoemd) bynne(n) den voirs(creven) t(er)mine hoirvruchte(n) woude / dat hij voe(r) elke hoervrucht eens wel en(de) loflijc ov(er)meste(n) sal It(em) sal de / voirs(creven) wynne alle jae(re) vande(n) voirs(creven) lande mesten vi dach(mael) [wel en(de) loflijc] alsoe waele te(n) / naeste(n) als te besten slants meeste(n) profite It(em) sal de voirs(creven) wy(n)ne omtreit / x dach(mael) vande(n) voirs(creven) lande ten leste(n) jae(re) besaeyt laten met wynt(er)corne / alsoe hi dat lant in sine(n) aencome(n) lang(rode) hug(ar)d(en) fe(bruarii) ix /