It(em) alsoe als claes de zone dieme(n) heet de scrive(re) uut dien dat hij / metter gulden rechte vander stad van bruessel bego(n)nen hadde te vervolge(n) / alsulken scout als hem jan vander brugge(n) sculdich was van saken die der / gulden behoire(n) Ende willem gerarts die nae dat de voirs(creven) scout gemaect / was hem hadde doen leyden met scepen(en) brieve(n) van loeve(n) tot alle(n) den goede(n) / des voirs(creven) jans vand(er) brugge(n) soe hadde de selve willem gerarts uut machte / van sijne(n) voirs(creven) beleyde met brieve(n) der stad van loeve(n) om tvoirs(creven) vervolg dat / de voirs(creven) claes de sone opde voirs(creven) goede bego(n)ne(n) hadde te doen cesse(re)n doen / scrive(n) en(de) hadde de voirs(creven) claes jege(n) tvoirs(creven) beleyt yet te segge(n) oft te allige(re)n / dat hij quame tot ene(n) seke(re)n dage te loeve(n) inde banc voe(r) meye(r) en(de) scepen(en) / van loeve(n) jege(n) de(n) voirs(creven) wille(m) gerarts tot welken de voirs(creven) wille(m) gerarts qua(me) de(n) voirs(creven) claese niet comen(de) alsoe dat de voirs(creven) claes d(air) nae wed(er) qua(me) bider / stad vrintlijc bidden(de) datme(n) den voirs(creven) willeme ts(er)aerts noch scrive(n) woude / tot eene(n) seke(re)n dage jege(n) he(n) voe(r) de raet vvander stad te come(n) en(de) tonderwise(n) / dat de voirs(creven) claes sijn recht mett(er) gulde(n) dat hij bego(n)ne(n) hadde sijn scout v(er)volge(n) / mochte aengesien [dat] sijn scout eer gemaect was dan de voirs(creven) wille(me) geleyt was / gelijc voirs(creven) steet dwelc alsoe gescreve(n) w(er)t m(er) gelijc hij voe(r) niet come(n) en / was soe en qua(me) hij noch niet alsoe te(n) vervolge des voirs(creven) claes bide(n) / raede vand(er) stad get(er)mineert was dat de(n) voirs(creven) claese tvoirs(creven) beleyt d(air) de voirs(creven) wille(me) t... / goede geleyt was totte(n) voirs(creven) goede(n) gheen letsel oft hynder voer daen doen en sal om de/ ... jans vand(en) ... moege(n) te volge(n) mett(er) gulde(n) rechte ... / actu(m) maii x...