Cond zij allen lieden dat gheert quantelaert es comen in yeghe/ wordich(eyden) der scepen(en) van loven(en) en(de) heeft genomen en(de) bekent dat hij/ genomen heeft van lodewijcke van oppendorp de ca(m)me des selfs/ lodewijx gelegen te vroyenberge metden ketele twee grote cupen/ twee cuyl vaten gelijc die inde voirs(creven) ca(m)me staen metten huyse vand(er)/ voirs(creven) ca(m)me tot aen de poirte en(de) porthuysken aldair metter poerte(n)/ dair boven en(de) ene(n) cleyne(n) huysken staende aen de came(re) dair de/vvoute onder steet metten warsmoyshove gaende vande(n) wuwe(re)/ aldair tot aen tvoirs(creven) huysken en(de) tot aen den thuyn met enen/ dachmale en(de) xx roeden hoefs dair jonge bogart in ghesedt/ is te houden en(de) te hebben van half meerte neestcomen(de) ene(n)/ t(er)mijn van vi jae(re)n lang deen na dander sonder middel volgen(de)/ alle weeken den t(er)mijn voirs(creven) om viii gelten hoppen der maten/ van vroyenb(er)ge te weten drie gelten der maten voirs(creven) voir [alsoe groot als] vier/ gelten hoppen der maten van loven(en) It(em) sal de voirs(creven) gheert de/ voirs(creven) goede den t(er)mijn voirs(creven) bevreden en(de) besluyten wel en(de) loflijc/ en(de) alsoe die te sine(n) afsceyden bevredt laten des sal de voirscr(even)/ lodewijc den voirg(enoemde) gheerde leve(re)n seven to(n)nen water vast en(de) die/ sal de selve gheert also goet laten inde voirs(creven) ca(m)me te sijne(n)/ afsceyden ghelikerwijs hij die nu vint Voirt sal de voirg(enoemde) lodewijc/ den voirs(creven) brou ketel twee grote cupen en(de) twee cuyl vaten houden/ op sine(n) cost en(de) last It(em) es vorwerde dat de voirs(creven) gheert oft/ gebuerde dat hij gheen bier en hadde dat hij dan voir elc gelte/ hoppen met eene plecken brabants payments soude mogen gestaen
//
It(em) heeft de voirs(creven) gheert genomen ind(er) maten als bove(n) jegen/ den voirg(enoemde) lodewijc een bloc des selfs lodewijx gelegen te/ vroyenberge alsoe v(er)re alst wynnen(de) lant es met enen/ beemde dair onder gelegen en(de) willigen dair op staende mette(n)/ drincwater en(de) wuwer grecht gaende opw(er)t acht(er) dwoenhuys/ aldair tot aen de ca(m)me voirs(creven) It(em) een eynde van enen/ huyse aen de zale vande(n) hove des voirs(creven) lodewijx aldair/ staende te houden te hebben en(de) te wynne(n) van half/ meerte naestcomen(de) ene(n) t(er)mijn van vi jae(re)n lang deen na/ dande(re) sonder middel volgende elx jaers dae(re)n bynnen/ om xii gulden scilde der mu(n)ten ons gened(ichs) he(re)n alle jae(re)/ s(en)te andries misse apostels te betalen den voirs(creven) t(er)mijn due(re)nde/ en(de) telken t(er)mine als v(er)volghde schout It(em) es vorwerde dat/ de voirs(creven) gheert tvoirs(creven) bloc wel en(de) loflic eens ov(er)mesten/ sal bynnen den t(er)mijn voirg(enoemt) en(de) dat leggen in drien arden/ En(de) oft gebuerde dat de voirs(creven) gheert tvoirs(creven) bloc gheheel/ oft in ene(n) deele hoervruchte soe sal hij voir dat hoer/ vruchten aldair dat gesciet dlant dair af wel en(de) loflic/ ov(er)mesten It(em) mach de voirs(creven) lodewijc op tvoirs(creven) bloc (½)/ boender bogart setten op dwelc inde dat hem dat gelieven/ sal It(em) sal de voirs(creven) gheert vande(n) voirs(creven) bloeke (½) boend(er)/ besaeyt laten met rogge te sine(n) afsceyden op vier ge/ tidegen voe(re)n en(de) dat alsdan wel en(de) loflic ov(er)mesten/ Ende de voirs(creven) gheert en sal gheen hout mogen truncken/ op de voirs(creven) goede dan te behoirliken tijde It(em) sal de voirs(creven)/ gheert den wuwe(re) voirg(enoemt) wel en(de) loflic den t(er)mijn voirs(creven)/ vegen en(de) alsoe gheveeght laten te sine(n) afsceyden Ende/ oft gebuerde dat de voirs(creven) lodewijc de goede voirs(creven) v(er)copen/ woude gheheel oft in ene(n) deele soe sal de voirs(creven) gheert/ alsdan vande(n) selve(n) goede met sine(n) v(er)lopen(en) tijde moten/ afsceyden Ende alle de voirs(creven) vorwerde(n) condicien en(de)/ gheluften hebben geloeft etc(etera) cor(am) abs(oloens) wynge sept(embris) xxvii
//