Ite(m) jan geert yden es come(n) in jeg(ewordicheyden) der scepen(en) van loven(e) ende/ heeft genome(n) ende bekent dat hij genome(n) heeft van m(ijnre) vrouwe(n) vand(en)/ banck inde(n) name en(de) van wege(n) tselfs cloest(er)s de goede des voirs(creven)/ cloest(er)s hier nae bescreve(n) te wete(n) een stuck lants houden(de) een/ boend(er) gelege(n) aende(n) steenwech tussce(n) hockesele en(de) dieste Ite(m) een/ dach(mael) lants gelege(n) opt liservelt tussce(n) de goede scloest(er)s van sinte/ mychiels van antwerpe(n) aen deen zijde en(de) vranck ghisels aen dande(re)/ Ite(m) een boender lants gelege(n) in ii stucke(n) op den cattenpoel Ite(m)/(½) boend(er) beemts gelege(n) te quaderebbe tussce(n) de goede sheilichs geest/ van sinte jacobs te loven(e) en(de) willem(me) vand(er) beecke Te houde(n) te hebbe(n)/ en(de) te wynne(n) van kersmisse lestlede(n) ene(n) t(er)mijn van xii jae(re)n langk/ deen nae dande(r) sonder middel volgende elx jairs dae(re)n bynnen/ te wete(n) de voirs(creven) lande om drie mudde en(de) ii halste(re)n rox mate/ van loven(e) tsinte andries misse apostels te betalen(e) ende int voirs(creven)
//
cloest(er) oft te loven(e) dairt m(ijnre) vrouwe(n) voirs(creven) best genuege(n) sal te leve(re)n/ ende den voirs(creven) beemdt elx jairs dae(re)n bynne(n) om twe gripen tsinte/ m(er)tens misse te betalen(e) Te wete(n) die twegedeelte dair af den gasthuyse/ van loven(e) ende dander derdendeel dair af den voirs(creven) cloeste(re) alle jae(re)/ den voirs(creven) t(er)mijn due(re)nde quol(ibet) ass(ecutu)[m] Ite(m) de voirs(creven) wynne sal de voirs(creven)/ lande alle jae(re) wel en(de) loflijc wynne(n) ende werve(n) gelijc hue(re)n/ reengenoete(n) en(de) alle drie jae(re) eens wel en(de) loflic overmesten Ite(m)/ sal de voirs(creven) wynne de voirs(creven) lande ten uutgaen vanden voirscr(even)/ t(er)mijne laten brake liggen ende deen boender dair af om gedaen/ abs(oloens) vynck(enbosch) februarii xiii[a]