SAL7336, Act: R°349.1 (439 of 489)
Search Act
previous | next
Act R°349.1  
Act

Transcription

2020-11-10 by Kristiaan Magnus
It(em) want stoet en(de) tebat opv(er)staen es geweest tusschen gielize van udekem/
in deen zijde reyne(re)n en(de) janne spechts gebruede(re)n [voir hen en(de) van wege(n) der p(er)sone(n) h(ier) ond(er) bescreve(n) die zij in desen hebben geloeft te v(er)vaene] in dande(re)/
alse van zeke(re)n quetsue(re)n en(de) mincken die de voirs(creven) gebruede(re)n met/
hue(re)n hulpe(re)n den voirs(creven) gielize gedaen hebben en(de) andersins van/
wat zaken dat dat zij Soe sijn de selve p(ar)tien comen voir scepen(en)/
van loven(e) en(de) hebben hen vande(n) voirs(creven) stoete gekeert en [en(de) gesubmitteert] samentlic/
in jonche(re)n henricke van scoenhoven in alsulker vuegen dat de/
voirs(creven) jonch(e)r henric die vanden voirs(creven) stoete wael geinformeert/
es sijn uutsprake d(aer) af doen sal tusschen dit en(de) avont mett(er) zonne(n)/
Gheloven(de) de voirs(creven) gielijs van udekem de voirs(creven) reyne(re) en(de) jan spechts/
voir hen [en(de) van wegen] renie(re)n scheenhaecx arnde deckers goessten pet(er)s laureyse vranx/
soen willems vranx diericke trulken trulleken collarde [vacat] m(ijn)/
he(re)n cnape van elsloe [en(de) henricke vand(er) beke] vast gestede en(de) omv(er)brekelijc van w(er)den te/
houden en(de) te voldoen op lantzoen tgheene des de voirs(creven) jonch(e)r/
henric hier [af] uutspreken en(de) p(ro)nu(n)cie(re)n sal pr pynnoc wijtvliet/
maii xviii
ContributorsJos Jonckheer
Moderated byGreet Stevens
Last update: 2013-01-03 by Sabrina Keyaerts