It(em) wout(er) laureys molde(re) in jegewoirdich(eit) van lo der scepen(en) van/ loven(en) gestaen heeft genome(n) en(de) bekent dat hij genome(n) heeft tegen h(er)/ wout(er) van hugarden proefst der cloest(er)s van gempe den molen te/ gempe met allen sine(n) toebehoirte(n) toebehoe(re)nde den voirs(creven) cloeste(re) te/ houden en(de) te hebben van sinte jansmisse baptiste(n) lestleden ene(n) t(er)mijn van/ iii jae(re)n lanc dair na v(er)volgende elx jaers dae(re)n bynne(n) om xxix(½)/ mudde corens goet en(de) payabel te weten alle weeken ix mol(evate) en(de) iiii/ mol(evate) eens over al alsulken als de molen wynne(n) sal te betalen den voirs(creven)/ t(er)mijn due(re)nde quol(ibet) ass(ecutu)[m] op alsulke condicie dat hij alle tgodsh(uys) coren/ datmen dair sliten sal malen sal wel en(de) loflic en(de) goet meel leve(re)n/ sond(er) e(n)nich molcht(er) d(aer) af te hebben(e) en(de) dat sal hij mette(n) gewichte ontfaen/ en(de) alsoe swair dmeel wed(er)o(m)me leve(re)n mair des sal hen tgodsh(uys) afcorten van/ sine(n) pachte voirs(creven) van elken mudde corens dat hij alsoe gemalen sal hebben een/ mol(evate) corens It(em) desgelijx sal [hij] oic malen alle dmout tgodsh(uys) voirs(creven) oic sond(er)
//
e(n)nich molcht(er) mair des sal hij hebben van elken mudde mouts een/ yelte biers It(em) sal de voirs(creven) molde(re) den mole(n) voirs(creven) houde(n) van/ ca(m)men spillen en(de) van smere en(de) oft e(n)nige scade gesciede aent houtwerc/ yserwerc oft aen die steene bij v(er)suemenisse(n) des voirs(creven) molde(re) dat/ soude hij den godsh(uyse) oprichten It(em) es oic vorw(er)de alsmen den/ wuwer aldair vesschen sal oft d(aer) inne wercken alsoe dat/ water af sal sin soe sal tvoirs(creven) godsh(uys) den voirs(creven) molde(re) af/ slach doen na gelande van sine(n) pachte voirs(creven) tott(er) tijt dat de(n) wuw(er)/ soe vol sal sijn dat dwat(er) dair af opten wuw(er) comen mach It(em)/ de iiii belen den voirs(creven) molde(re) van des godsh(uys) wegen geleidt in sine(n)/ incomen sal hij wed(er) leve(re)n te sine(n) utgaene inde su(n)t fideiuss(ores)/ t(am)q(uam) p(ri)n(cipa)[les] debit(ores) ind(ivisim) ghiselb(er)tus coninc et andreas scepe(n)/ a(m)bo de wynge Et p(ri)m(us) pynnoc pryke(re) januarii xv
//