Cont zij allen lieden dat meeste(re)n jan vand(er) bruggen jan keld(er)man lodewijc/ van hortbeke en(de) willem de beer der stad gheswoe(re)n meest(er)s en(de) werc/ liede sijn comen in yeg(ewordicheyden) der scepen(en) van loven(en) en(de) hebben hue(re) uut/ sprake gedaen op den stoet die gepoert was tusschen meest(ere)n ja(n)ne/ ostonis in deen zijde en(de) woute(re)n blideleven in dande(re) alse van hue(re)r/ beyd(er) erve gelegen inde scepstrate dair af de voirs(creven) p(ar)tien hen/ behoirlijc v(er)bonden hadden en(de) hebben hue(re) uutsprake dair af gedaen/

gelijc [inder manie(re)n] hier na volght inden yersten dat de voirs(creven) meest(er) jan/ ostonis sal doen maken op sine(n) cost ene(n) steynen muer tusschen sine(n)/ hof en(de) den hof des voirs(creven) wout(er)s lijnrechte vande(n) huyse des voirs(creven)/ wout(er)s strecken(de) tot op den egge van ene(n) stelleken des voirs(creven) meest(ere)n/ jans ostonis aldair staende en(de) dien muer sal de selve(n) meest(ere)n/ ja(n)ne erflic alleen toebehoe(re)n It(em) sal de voirs(creven) meest(er) jan oft hen ghe/ lieft in tide(n) toecomen(de) hen mogen behulpen note te mogen leggen ende/ sijn ty(m)meringe te vesten inden muer des voirs(creven) wout(er)s van voer/ t(er) scepst(ra)ten tot op dynde vanden huyse des voirs(creven) wout(er)s It(em) dat de/ goete liggende bove(n) tussche(n) beyde d(er) voirs(creven) p(ar)tien huyse den selve(n) meest(ere)n/ janne en(de) woute(re)n ghemeyn toebehoe(re)n sal en(de) dat zij die ten ghe/ liken coste sullen houden alsoe die aldair leeght om dwat(er) van/ hue(re)r beyd(er) huyse d(aer) inne tontfane en(de) acht(er)wert sine(n) loep te/ hebben en(de) op dynde vande(n) huyse van des voirs wout(er)s en(de) der/ voirs(creven) goete sal de selve wout(er) doen maken en(de) erflic houden/ op sine(n) last een loeten hoze dair dwater vand(er) selve(n) goete(n)/ sine(n) ned(er)val doir sal hebbe(n) op den hof des voirs(creven) wout(er)s en(de) dat/ sal hij dan gheleyden tot op deynde vande(n) voirs(creven) muer des voirs(creven)/ meest(er) jans en(de) ald(aer) saelt de voirs(creven) meest(er) jan dair den voirs(creven) muer en(de) [met]/ eene(n) v(er)traelsde(n) gate op sijn erve ontfangen en(de) geleyde(n) over tsine/ tot aen derve vranx van thiene(n) om dat voert sine(n) uutganc te hebben/ lyende onder den osidrup vande(n) huyse des voirs(creven) meest(er) jans tot inde/ slachstrate cor(am) roelants vync januarii xxvii
//