Item opt gescil hangen(de) tusschen woute(r) daneel ter eenre zijden en(de) melcior/ van arke(n)ne in dande(re) sprutende uut(er) wynni(n)gen die de voirs(creven) woute(r) gehoude(n)/he hadde vanden voirs(creven) melcior dair af dat beyde voir scepen(en) van loven(e)/ en(de) oic voir den rade vander stad veele handelingen was geweest soe mey(n)de/ de voirs(creven) woute(r) dat melcior voirs(creven) te hemw(er)t gehouden was mids dien dat/ de selve melcior alsulke scape als de voirs(creven) wout(er) in henegouwe aen den/ casteleyn van breyne tot ene(n) fijne gesedt hadde den voirg(enoemde) melcior weder/ co(m)merloes gegeve(n) waren meynen(de) dat hij hem dair af gulde doen soude/ dair op de voirs(creven) melcior antwoirde dat hij voe(r) de selve scape eer hij die/ gecrigen mochte goeden seke(re)n sijn en(de) vestich(eit) hadde moeten setten aen den/ voirs(creven) casteleyn van vijftich riders oft de voirs(creven) wout(er) des wille dat hem/ in henegouwe byden casteleyn voirs(creven) oft byden zijne(n) wedervae(re)n was/ e(n)nich v(er)volgh dade op den voirs(creven) casteleyne oft op de zijne o(m)me bescav(en)ts/ wille dat den voirs(creven) woute(re)n gesciet was oft dat hem dair o(m)me e(n)nigen/ last oft co(m)mer aengedaen worde dat hij dan de voirs(creven) wij vijftich rid(er)s/ soude moete(n) betalen Voirt seggende dat hem groet wonder hadde/ dat hem wout(er) alsoe vele moyten dade gemerct dat zij van alle dinge(n)/ wettelic gerekent hadde(n) en(de) dat de voirs(creven) wout(er) hem sculdich bleef/ xviii pet(er)s dwelc de voirs(creven) melceor boet te thonen ofs noet gebuerde/ meynen(de) dair om de selve melcior dat de voirs(creven) wout(er) bellix op/ leggen soude en(de) betalen de voirs(creven) xviii pet(er)s en(de) van zijne(n) voirscr(even)/ fijne die hij voe(r) de scape voirs(creven) in henegouwe hadde moeten doen/ gelijc voirs(creven) steet co(m)merloes ontheffen wair op de voirs(creven) raet vand(er)/ stad nae vele woirde en(de) weder woirde t(er)mijneerde dat de voirs(creven) sake/ van gescille hangende tusschen woute(re)n en(de) melceor voirg(enoemt) berusten/ soude en(de) in state bliven staende tot derre tijt toe dat men weten/ sal oft de voirs(creven) melceor vander voirscr(even) borchtocht ende fijne die/ hij voir de voirs(creven) scape in henegouwe gedaen heeft belast/ sal zijn oft niet Ende dat geweten heeft dan deen den ande(re)n yet/ aentespreken heeft dat hij dat sal moegen doen mette(n) rechte
//
oft wilt de voirs(creven) wout(er) den voirscr(even) melceor eer aenspreken dat/ hij dan goede vestich(eit) met borgen oft anders setten sal dat hij dan den/ voirs(creven) melceor vanden fijne voirs(creven) scaedeloes houden sal ende van des/ men vynden sal met rechte dat hij den voirs(creven) melceor sculdich is wael/ te v(er)nuegen Actu(m) in pleno consilio me(n)sis julii die octava anno xlii[o]