It(em) na dat goert scauwart alse geleit totden goeden der/ weduwe(n) vranx wilen b(er)ghe in deen zijde/ en(de) henrick pauwels in dande(re) comen sijn int recht voir/ meye(r) en(de) scepen(en) te loven(e) van sesse mudde corens/ eens die de voirs(creven) goert uut machte van scepen(en) br(ieve)/ van loven(e) die hij ov(er)hadde van cornelijs lambrechts/ vande(n) voirs(creven) henricke yesch te hebben dair af de/ selve henrick meynde ongehoude(n) te wezen bij/ dien dat hij de selve vi mudde corens betaelt hadde/ der voirs(creven) weduwe(n) van wegen des voirs(creven) cornelijs die hue(re)/ dat sculdich was metden welken de vors(creven) goert niet/ te vreden en was soe hebben de scepen(en) van loven(e) de/ sake tusschen de voirs(creven) p(ar)tien gestelt in handen der stat/ van loven(e) en(de) tot hue(re)r t(er)minacien p(rese)nt(ibus) opp(endorp) rike kersmak(er)/ willem(air) maii q(ua)rta vide(licet) sabb(at)o p(ost) q(uas)i modo