It(em) want stoot en(de) tebat opv(er)staen was tusscen go(m)mair vander/ borch in deen zijde en(de) engelbrechte vande(n) houte in dande(re) alse/ van seke(re) scepen(en) brieve(n) van loven(en) viii[c] pet(er)s die symoen/ neels den voirs(creven) go(m)mae(re) sculdich es als vande(n) goede(n) te tielen/ gelegen die hij tegen hem vercregen heeft dair af/ de voirs(creven) eng(elbrecht) de scepen(en) br(ieve) d(aer) op gemaect over/ heeft ten selve(n) rechte datse go(m)mar hadde en(de) oic van/ ene(n) scepen(en) brieve van antwerpe(n) spreken(de) van xx rijd(er)s/ lijftochte(n) die wout(er) de keys(er) hadde op de goede van tiele(n)/ voirs(creven) en(de) van alle ande(re) stoote die den voirs(creven) stoote/ aencleven(de) soe hebben de voirs(creven) p(ar)tien hen verbonden/ en(de) gesubmitteert in vrienlijken segge(re)n en(de) effene(re)n te weten/ de voirs(creven) go(m)mair in woute(re)n van quaderebbe en(de) arnde van/ ymersele en(de) de voirs(creven) engelbr(echt) int woute(re)n vande(n) doirne/ gehete(n) van sombeke en(de) roelande van berchsem in alsulk(er)/ vuegen dat de voirs(creven) segge(re)n van in dondredage naestcomende/ bynnen viii dagen dair nae volgende dbesceit van beider/ p(ar)tien moendelingen aenhoe(re)n selen dwelc aen gehoirt zijnde/ hue(re) uutsprake d(aer) af doen bynne(n) xiiii nachten dair na/ volgende op dat zijs eens zijn [ende] inden gevalle oft zij niet/ eendrechtich w en wae(re)n dat zij bynne(n) dien xiiii nachten/ soe sele(n) de voirs(creven) p(ar)tien vande(n) voirs(creven) stoete staen voir den rade
//
der stat van loven(en) en(de) tot hue(re)r t(er)minacien ind(er) manie(re)n alsij/ op den dach van heden geweest zijn en(de) oft geviele dat/ e(n)nich vande(n) voirs(creven) segge(re)n mids noetabelen en(de) blijken(de) noot/ saken gebrake dat dan die p(ar)tie dair inne gebreken(de) enen/ ande(re)n sal moegen nemen p(ro)mitt(entes) ratu(m) opp(endorp) rijke ap(ri)l(is) xv/