It(em) willem vand(er) eect in teg(enwordicheiden) etc(etera) heeft genome(n) en(de) bekent dat hij/ genome(n) heeft van brueder cornelise pet(er)s prieste(re) p(ro)curator sgodshuys/ vanden sa(r)troysen van seelem inde(n) name en(de) van wegen des selfs cloest(er)s/ thoff des selfs cloest(er)s gelegen tot selke met husen besloten bynnen/ den graven om tvoirs(creven) hof gaende met xxxiii boende(re)n lants en(de)/ een zille luttel myn oft meer met alle ande(re)n zijne(n) toebehoirte(n)/ uutgesceiden tghene die tot behoef des voirg(enoemde) cloest(er)s hier/ onder uutgenome(n) sal werden te houden te hebben en(de) te wynne(n)/[van half m(er)te naestcoemen(de)] ene(n) t(er)mijn van xii jae(re)n lang deen na dande(re) sond(er) middel volgende/ te weten de voirs(creven) lande t(er) recht(er) helcht wynni(n)gen en(de) ten halven/ vate van allen vruchten uutgenome(n) dat de voirs(creven) willem voir/ de voirs(creven) zille den sartroesen jairlix betalen sal i een half/ mudde rox en(de) die vrucht vrucht van dien sal de selve/ wynne d alleen behouden Ende is vorweerde dat tvoirs(creven)/ cloest(er) en(de) de wynne sceiden moegen te vi jae(re)n oft [op] e(n)nigen/ van hen geliefde het en wae(re) dat willem voirs(creven) oft alijt/ zijn wijf bynne(n) den voirs(creven) getosten aflivich worden want/ alsdan soe soude de voirs(creven) pachtingen en(de) alle vorweerden
//
d(aer) inne begrepen doot en(de) te nyeute wesen ten naesten opene(n)tijde/ na dat e(n)nich van hen aflivich worden we(re) ende op alsoe dat e(n)nich/ vander p(ar)tien voirs(creven) der ande(re) te weten dede bynnen der yerster/ maent na de doot e(n)nichs vande(n) voirs(creven) gehuschen en(de) and(er)s niet/ It(em) oft alsoe geviele dat de voirs(creven) p(ar)tien om der voirs(creven) saken wille/ geliefde van een te sceiden soe es vorweerde dat willem den/ voirs(creven) sartrosen van allen poente(n) en(de) stucken vernuegen en(de) voldoen/ sal die welke hen aen den voirs(creven) willem verschene(n) en(de) gevallen/ selen zijn nae inhoudt des briefs It(em) es ondersproken en(de) vorwerde/ dat de voirs(creven) willem voir zijn beeste(n) alle jae(re) sal moegen saeyen drie/ zillen crucken sonder den voirs(creven) sartroysen dair af yet te gheven/ oft te deylen in alsulker vuegen soe wanneer dat coren vanden/ voirs(creven) xxxiii boonde(re)n lands tijtverdich en(de) rijp sal zijn bij den voirs(creven)/ willem(me) of van zijne(n) wegen afgemaeyt te mandelen te bande/ bracht sal werden soe sullen de voirs(creven) sartroesen hue(re)n koer voir/ uut hebben alse dierste mandel te kyesen oft die ande(re) ende/ de welke zij kiesen die sullen zij voirt vervolgen vast over/ die ande(re) mandel tot dat zij die rechte helcht vanden voirs(creven)/ coren sullen hebben ende dies gelijc salmen alle ande(re) vruchten/ deylen ter rechter helcht welke helcht van corne en(de) ande(re)/ vruchten voirg(enoemt) die selve willem den sartroysen voe(re)n en(de) ten/ yersten leve(re)n sal in hoe(re)n voirg(enoemde) hove tot zelke in een schue(re)/ dairt hen best genuegen sal It(em) es voirweerde dat de/ sartroesen voirg(enoemt) om hue(re) voirg(enoemde) vruchten te doen uutderssche(n)/ enen dersscher sullen moegen setten die hen gelieve(n) sal en(de) willem/ ene(n) ande(re)n dair tegen in alsulker vuegen dat de voirs(creven) wille(m)/ den dersche(re)n den montcost sal gheven en(de) de sartroysen selen/ den ene(n) dersche(re) de dachue(re)n betalen soe [en(de) des] sal de voirs(creven) wynne/ blive(n) en(de) selve behouden allet stroe en(de) caf dair af comende/ ende dit voirs(creven) coren en(de) vruchten uutgedersschen sijnde soe/ salse de voirs(creven) wynne den sartroysen vue(re)n en(de) leve(re)n tot diest/ tot hercke oft in huer cloester d(aer)t hen beste genuege(n) sal/ It(em) tot desen voirs(creven) lande sal de voirs(creven) wynne noch hebben den/ tijt voirs(creven) due(re)nde ind(er) manie(re)n dat vanden lande voirs(creven) [v(er)cleert] es/ vanden beemde(n) gelegen acht(er) tvoirs(creven) hoff ene(n) beemt gehete(n)/den dat bijloke houden(de) omtrent i(½) boend(er) en(de) lv roeden/ om xv overlenscher rinsch(er) guld(en) It(em) de selve wynne sal hebben/ ene(n) beempt gehete(n) dat libroec houden(de) i(½) boende(r) en(de) xxxvi rode(n)
//
om thien en(de) een quartier der selv(er) gulden(en) It(em) hij sal noch hebben den beemt/ geheten den calckerbeemt gelegen inde(n) cal nuwenbeemt houden(de)/ drie zillen voir iiii en(de) iii quartier d(er) selv(er) gulden(en) It(em) tvorste/ deel van dlangeeeusel gelegen acht(er) tvoirs(creven) hoff houden(de) vi(½) zille/ en(de) xxxiii(½) [roden] om twe der voirs(creven) gulden(en) It(em) nae den yersten jae(re) sal/ sal de wynne voirs(creven) noch hebben ene(n) beemt geheten de wijnde/ houden(de) iii zillen myn xx roeden voir vi der voirs(creven) gulden(en) dair/ af de so(m)me te gader loopt xxxviii overlensch(er) rinsscher guld(en)/ te betalen tsinte m(er)tens misse inden wynt(er) in e(n)niger der/ voirs(creven) plaetsen oft steden dairt den voirs(creven) sartroysen best genuegen/ sal te leve(re)n oft goet and(er) pay(ments) d(aer) voe(r) gelijc de voirs(creven) guld(en)/ ten dage van betalinge(n) van hande te hande gaen sullen/ It(em) es vorweerde dat de voirs(creven) wynne alle de voirs(creven) beemde(n)/ ten mynste(n) half den tijt met zijne(n) beeste(n) etten sal en(de) die niet/ meer dan eens des jairs mayen noch hoeyen en sal en(de) dat/ ten behoirlijken tijde Ite(m) sal de selve wynne jairlix leggen en(de)/ voe(re)n op de voirs(creven) lande vi voeder horpmaels merghels alsoe groet/ als hij met iiii oft v p(er)den gevoe(re)n sal connen en(de) wes hij op een/ jair niet en voerde dat sal hij op dande(re) jaer verhalen en(de) v(er)vulle(n)/ en(de) oic dat met waerh(eyt) bewisen It(em) sal de voirs(creven) wynne de/ voirs(creven) lande wel en(de) loflic wynne(n) en(de) werve(n) op zijn getidege/ voe(re)n en(de) de lande dat iiii voe(re)n behoeft sal hi op vier voe(re)n driven/ It(em) sal de voirs(creven) wynne op tvoirs(creven) hoff jairlix houde(n) ten mynsten/ hondert en(de) xxv scapen die hij gecrigen sal dair hij can en(de) mach/ It(em) sal de voirs(creven) wynne den voirs(creven) tijt due(re)nde hebbe(n) en(de) gebruycken/ tsijne profijte den nuwe(n) bogart acht(er) aen tw tvoirs(creven) hof gelegen/ bij alsoe dat hij den sartroesen de helcht van allen den vruchten/ d(aer) inne wassende leve(re)n en(de) int voirs(creven) cloest(er) voe(re)n en(de) den selve(n)/ boeg(ar)t wel en(de) loflijc beheyme(n) en(de) hante(re)n sal behoudelic altijt den/ voirs(creven) sartr(oesen) hue(re)n vryen doervaert totter schue(re)n alsoe dick als/ des noot wae(re) en(de) hen gelieve(n) sal It(em) sal de voirs(creven) wynne/ de voirs(creven) lande en(de) beemden wel en(de) loflic beheyme(n) en(de) bevrede(n)/ en(de) de grachte(n) d(aer) toe horende graven die hagen d(aer) op staende/ afhouden en(de) maken en(de) de gate stoppen die inde hage quame(n)/ oft wae(re)n en(de) levende doirne d(aer) inne sette(n) en(de) om dit loflijker/ te doen(e) soe sele(n) [sal] de voirs(creven) wynne alle de lueken dat [die] aen de voirs(creven)/ beemde wassen sele(n) moegen houwen ten behoirlijken tijde uut/ genome(n) dat de sartroysen vry behouden sullen den dijc en(de)
//
die boeme(n) d(aer) op staende vanden gader die aen deynde vande(n) bijloeke steet/ totte(n) cleyne(n) sluysken toe van lerdegrecht mair soe wanneer de sart(roesen)/ voirg(enoemt) op den voirs(creven) dijc houwen om d(aer) mede te vreden soe wes snippe/ ringen oft spade(re)n dair af comen oft overen? sullen die sal de voirs(creven)/ wynne moegen te hemw(er)t neme(n) en(de) zijn prefijt dair mede doen/ Voirt es vorweerde dat de voirs(creven) satroesen den voirs(creven) wyn jae[r]lijx wisen/ en(de) gheve(n) sullen een dusent mutsaerts die de voirs(creven) win int voirscr(even)/ hoff sal moegen verbernen en(de) oic sal de voirs(creven) wyn den voirs(creven) tijt/ due(re)nde moegen struncken op de beemde en(de) dat lant voirs(creven) over/ al dair dat haftel gegaen heeft en(de) oic sal hij moegen struncken/ die eycken die niet en doegen tot opgaende [hout] te werden mair dat/ en sal hij niet doen dan met orlove en(de) consente vande(n) voirs(creven)/ sartroese(n) noch sonder hen dat te thoene(n) Ite(m) sal de voirs(creven) wynne/ alle jae(re) setten op de voirs(creven) lande en(de) beemde(n) dairt hem de/ voirs(creven) sartroesen sulle(n) doen wijsen xxv popele(re)n oft willege(n)/ poetten en(de) soe wair de voirs(creven) wynne een oude willege/ afhouwe(n) sal dwelc hij niet doen en sal sond(er) consent der/ voirs(creven) sartroyse(n) d(aer) sal hij twe goede poeten voir setten ten/ behoirlijken tijde Oic en sal de wyn gheen opgaende hout/ moegen houwen en(de) struncken dan bij orlove en(de) consente der/ voirs(creven) sartroesen alsoe voir verclaert es It(em) es noch vorweerde/ dat de voirs(creven) wynne van alle beemden sal thiende gheven/ d(aer) men thiende af sculdich It(em) noch es vorweerde dat de voirs(creven)/ sartroesen de husinge(n) vande(n) voirs(creven) hove decken en(de) in daeke/ houde(n) sullen des sal de voirs(creven) wynne den sartroysen d(aer) toe betalen/ twe rinsche guld(en) alle jae(re) den tijt voirs(creven) due(re)nde en(de) de/ voirs(creven) husingen sal de selve wynne houden van wande van/ doeren van vinste(re)n van sloten krebben reepen bruggen poirte(n)/ gaderen scaepbenne(n) en(de) van allen gerecke alsoe dat/ loflic en(de) goet zij It(em) sal de voirs(creven) wyn den sartroesen/ alle jae(re) doen vier voeren me en(de) crauweyden met/ iiii p(er)den en(de) ene(n) wagen tot thiene(n) oft tot ande(re)n steden/ die niet voirder en zijn des sal hij hem den cost voir/

hem selven en(de) een halster voeder corens voir zijn p(er)de/ onder dach en(de) nacht It(em) meegen de voirs(creven) sartr(oesen) oft/ hen genuecht een deel vande(n) lande voirs(creven) vercopen
//
oft verpachten tot viii boende(r) blivens ten aerde sonder des wynne(n) wed(er)segge(n)/ It(em) selen de voirs(creven) sartr(oesen) tot hoe(re)n behoef vy vry behouden den soldere/ op de poirte den gracht om den hoff lopende en(de) alle ande(re) wate(re) soe/ wair die gelegen zijn It(em) es noch vorweerde dat de voirs(creven) wynne/ gheen ande(re)r land en sal nemen te wynne(n) alsoe lange als/ hij int voirs(creven) hof woene(n) sal behoudelic dat hij zijne(n) sel sijn eygen/ land sal moegen wynne(n) met alsulker condicie(n) dat hij gheen stroe/ vercopen noch vande(n) hove vervremden en sal en(de) dat hij oic dat/ mest dair af comen(de) nerge(re)ns elde(r) leggen noch laten en sal dan/ opt(en) voirs(creven) sartr(oesen) lant En(de) soe wes stroe en(de) mest opt hoff/ voirs(creven) zijn sal inder tijt als de wyn afsceydt dat sal hij d(aer) inne/ laten ter voirs(creven) sartroese(n) behoef en(de) hij sal also veel lants/ wael en(de) loflic besaeyt laten als hem in sijne(n) aencome(n) vande/ voirs(creven) sartr(oesen) besaeyt gelevert es sond(er) e(n)nigen aert tontarden(e) It(em) sal/ de wynne voirs(creven) noch ten lesten jae(re) alle nuwe tuyne laten op/ de voirs(creven) lande en(de) beemde oft [hove] drie jarich houdt ongehouwen dat/ dair toe volcomelic diene(n) moege en(de) die grechte(n) also goet/ oic laten als hijse vonden heeft bij orloveri(n)gen [ten prijse] van goeden knapen/ It(em) oft geviele dat tusscen den sartr(oesen) voirs(creven) en(de) den wynne/ e(n)nigen twist oft gescille op stonde van e(n)nige(n) stucke die in dese/ h(ier) inne niet verclaert en wae(re)n dair toe selen elc vanden/ p(ar)tien voirs(creven) twe goede knapen neme(n) om dat guetlijc te v(er)lijken/ en(de) oft die iiii knapen des niet en daden bynne(n) eenre maent/ nae dat zij gecore(n) wae(re)n soe sullen de scepen(en) van selke dat/ t(er)mi(n)eren en(de) soe wat die d(aer) af seggen [sele(n)] sullen de beide voirs(creven)/ p(ar)tie(n) voirs(creven) moete(n) houden En(de) alle dese vorwerden cond(icien)/ en(de) geloften hebbe(n) geloeft de voirs(creven) sartr(oesen) en(de) de wynne/ en(de) elc van hen besund(er) malcande(re)n vast gestentich en(de)/ van weerden te houden en(de) te voldoen talle(n) tijden/ en(de) t(er)mijne(n) als die valle(n) en(de) verschine(n) sulle(n) en(de)/ telken t(er)mi(n)e als v(er)volchde scout H(ier) af zijn borgen des/ voirs(creven) wynne(n) als p(ri)ncipael sculde(re)n ongesund(er)t en(de) onv(er)sch(eiden)/ en(de) elc voir al goert van wiemeringe(n) no jan vander/ eect sone des voirs(creven) wynne(n) en(de) mychiel van hasendonck de/ jonge Et p(ri)m(us) opp(endorp) vynck(enbosch) m(ar)tii xiiii/