It(em) want jan mynchart gehete(n) le rosseal die als geleidt totte(n)/ haeflijken goeden jacops mynchart van dyoen en(de) jans mynchart/ sijns zoens opde(n) dach van hede(n) hadde doen inscrive(n) den selve(n) jacope(n)/ en(de) janne sijne(n) zone die hem ongebruyck deden aen de have hier/ onder bescreve(n) tot wel te weten(e) iiii eeren potte(n) iiii pa(n)nen/ ii dosine(n) s te(n)ne(n) scotelle(n) i dosine dobbeliere vii bedde(n) met hue(re)n/ toebehoirte(n) i dosine oircussene i dosine cussene ii hale i roester/ i dosine cope(re)n lepelle i dosine houte(n) lepele iii hoesschen/ iii breydels i ketenne een ploech al ghestoffert een kerre/ met eenre kyste(n) iii coye iii verkenne vi ganse iiii mans tabbarde/ ii vrouwe(n) rocke i dosine hynne(n) i dosine zo hane(n) zo capuyne/ vii[c] schove stroes met den corene zo rogge so gerste zo evene zo spelte/ met allerh alre hande have daer meer inde(n) huyse sijnde tot welke(n)/ dage die voirscr(even) p(er)sone(n) niet en q(ua)me(n) hebbe(n) die hee(re)n scepen(en) ghewijst/ datme(n) den voirscr(even) mynchart vander voirscr(even) have(n) houde(n) sal in sine(n)/ beleyde als zo verre dat noch voir hem come(n) es cor(am) o(mn)ib(us) aug(usti) q(ua)rt(a)
//