Item want stoot ende tebat opverstaen was tusscen geerde quantelart in deen/ zijde en(de) goerde vand(er) eect in dande(re) als van zeke(re) schout oft so(m)me van/ gelde die de voirs(creven) geert den voirs(creven) goerde eyscende es soe hebben de voirs(creven)/ p(ar)tien hen vanden voirs(creven) stoote en(de) saken tusscen hen beyden uutstaende/ tot opden dach toe van heden gesubmiteert en(de) verbonden in vrientlijken/ segge(re)n en(de) effene(re)n Te weten(e) de voirs(creven) goert in pete(re)n vande(n) meersb(er)ge/ en(de) sybrechte vander beecke ende de voirs(creven) goert in everarde van grymde/ en(de) henricke hellinc sloetmake(r) in deser vuegen dat de voirscr(even) segge(re)n/ dbescheit vanden voirs(creven) pete(re)n aengehoirt uutsprake daer af doen selen/ tusscen dit ende de vier kersdage nachtcomen(de) en(de) oft e(n)nich partie/ segger gebrake (et)c(etera) p(ro)mitten(tes) ratu(m) lomb(art) pynnoc decembr(is) xiiii