Item want henric corneken die geleyt es tot allen den goeden have ende erve/ wouters wilen vander straten gelegen te wezemale ende dair omtrent als oem en(de) mo(m)boir/ margrieten vander straten dochter des voirs(creven) wilen wout(er)s die nu wijf es wouters/ van gheele van holsbeke inder selver momborien in goede vrientscapen ende uut groeter/ gonsten voe(r) woute(re)n vander straten veronderpant heeft zijn eyghen proper goede voe(r) twee/ rijders erfelijker renten staende ter quijtingen den pe(n)ninc voe(r) xviii ende hem selven/ oic verbonden heeft voe(r) twee mudden lijftochten aen willem(me) meest(er)jans becke(r) van/ dunberge ende oic voi(r) den selven woute(r) ende zijnre dochter voirs(creven) in gereden pe(n)ninge(n)/ uutgegeve(n) ende betaelt heeft xxxi peters iiii grijpen ende xv plecken gelijc dat/ inder rekeni(n)gen verhoirt ende gedaen voe(r) ende tusschen woute(re)n van gheele ende/ margrieten sinen wive voirs(creven) met hue(re)n vrienden ter eenre zijden ende henricken/ cornekens met zijnen vrienden ter ande(r) claerlijken bevonden ende ghesloten es/ Dair om eest dat bij accordement gemaect bijden [vanden] vrienden van beyden p(ar)tien/ te weten henrix corneken in deen zijde ende wout(er)s van gheele en(de) margrieten/ zijns wijfs in dande(r) gesloten es dat de voirs(creven) wouter ende margriete(n)/ sijn wijf den voirs(creven) henriken betalen bynnen xiiii nachten naestcomen(de) de so(m)me/ van xxxi peters iiii grijpen ende xv plecken Ende oic den selven henricken/ en(de) sijn goede lossen vanden voirs(creven) ii rijders erflic ende vanden twee mudden/ rox lijftochten ende dat bynne(n) drie jae(re)n naestcomen(de) op alsoe dat de/ quijtinge vande(n) voirs(creven) ii rijders noch soe lange due(re)n mach ende inden/ gevalle oft zij alsoe lange niet en doerde soe sal de voirg(enoemde) wouter ende/ zijn wijf ten tijde als die quijtingen vanden twee rijd(er)s voe(r) de drien/ jae(re)n uut souden gaen gehouden zijn af te leggen Voert aen es ghesloten/ dat de voirs(creven) wouter vanden goeden zijns wijfs eve(n)verre zij niet xx jair/ oudt en es eghene en sal moegen vercopen belasten noch beco(m)me(re)n dan/ alleene alsoe vele als de schout aen henricken corneken gedragen mach/ Ende dat vercopen sal hij moeten doen bij raide vanden vrienden der/ voirs(creven) m(ar)grieten ten meesten orbe(r) ende profijte ende oft m(ar)giete voirs(creven)/ voir de xx jae(re)n aflivich worde soe soude de voirs(creven) wout(er) staen/ vande(n) voirs(creven) goeden op zijn lant recht onbeledt van enige(n) scepen(en)/ brieven van loven(e) Voirtaen es gesloten dat den beleyt brief dair/ mede henric corneken geleyt es totten goeden wouters wilen vander/ straten comen sal onder scepen(en) van loven(e) Te dien eynde oft hij/ ten dagen voirs(creven) gelijc voirs(creven) steet niet gelost en worde dat hij [dan] hem/ metten selver brieve sal moegen behulpen aen de goede des voirs(creven)/ wilen wout(er)s om dair af dair gelost ende betaelt te worden ende/ oic d(aer) mede te moegen v(er)halen alle ande(n) scouden oft scade(n) die wettichlic/ blijcken mochte hoe waele die voe(r) bij exp(re)sse niet genoemt en zijn/ de welke de selve henric voe(r) den voirs(creven) woute(re)n betaelt heeft oft betale(n)/ oft lijden soude moeten promittent(es) ratu(m) pynnoc dor(ma)le febr(uarii) penult(ima)