It(em) alsoe jan van bruessel die overmids vonnisse van scepen(en) brieve(n)/ van loven(e) gegoet es in alle die onberuerlike goede die waren hee(re)n jan/ wijlen boets prieste(r) hadde doen scrive(n) aen de(n) schout(heit) en(de) scepen(en) van lyere dat/ de selve schout(heit) en(de) scepen(en) gheen recht vorde(re)n en souden ten versueke h(er) adam/ adaems deens op de voirs(creven) goede bij alsoe waren die voirs(creven) h(er) adam hem/ enich recht vermetende tot den selve(n) goeden dat hij des come(n) soude voe(r)/ meye(r) en(de) scepen(en) van loven(e) op heden aldaer goede(n) de voirs(creven) h(er) adam/ come(n) es en(de) heeft hem gep(rese)ntert int recht en(de) versocht dat hij sijn/ recht alse van zeke(re)n erfpachten die hij op die voirs(creven) goede hadde/ voert vorde(re)n mochte dair hij dat begonnen hadde aldaer die/ voirs(creven) jan van bruesel int recht niet come(n) en es noch noch hem bevant/ wordt soe wijsden de voirs(creven) van loven(e) ter manissen smeyers van loven(e)/ dat de voirs(creven) h(er) adam voert sijne(n) erfpacht in die banc vervolgen soude/ moegen co(ram) lomb(ar)t ab(soloens) pynnoc vynck voshem et dormale januar(ii) xviii