It(em) jan van bruessel geheten de ruyte(re) de jonghe van winxele in p(rese)ncia/ heeft genome(n) en(de) bekint dat hij genome(n) heeft van arnde vyncke sijn hof/ gelegen ten driessche inde p(ro)chie va(n) erpse bij quaderebbe met allen sine(n) toebehorte(n)/ uutgenome(n) twee eeusele die de voirs(creven) wyn niet hebben en sal Te/ weten een eeusel beneden jans van ranshem dat nu houdt jan de kersmake(re)/ en(de) dand(er) eeusel gelegen neve(n) de gode wout(er)s wilen waelraven dat houdende/ was jan vrancx Te houden te hebben en(de) te wynne(n) van half meye/ neestcomen(de) ene(n) t(er)mijn van xii jae(re)n lang deen nae dand(er) staphans/ sond(er) middel volgende elcx jairs dae(re)n bynne(n) te weten elc boender/ vande(n) voirs(creven) wynnende lande voer twee mudde corens te weten een/ mudde tarwen en(de) een mudde rogs erpsche pacht met wanne en(de) met/ vede(re)n wael bereydt der mate(n) van loeven(en) te sinte andries misse apostels/te betalen vallende en(de) te kersmisse vol te betalen en(de) te loeven(en) te bruessel/ oft te mechlen te leve(re)n daert den voirs(creven) arnde gelieve(n) sal te weten te/ loven(en) ende te mechlen met der lovenscher maten en(de) te bruessel met der/ bruesselscher maten te weten voer elc vanden voirs(creven) mudden te bruessel/ gelevert ene(n) sack bruessels alle jae(re) den voirs(creven) t(er)mijn due(re)nde en(de) telken/ t(er)mijne als v(er)volgde schout Ende de voirs(creven) beemde en(de) eeusele voer xxii(½)/ rijnsche gulden(en) van goude goet en(de) gheve oft de weerde daer af in ande(re)n/ goeden gelde nae prijs vanden wissele(re) en(de) voer drie mudde g(er)sten der/ maten van loven(en) alle jae(re) te weten tvoirs(creven) gelt te sente mertens misse/ en(de) de g(er)ste te kersmisse te betalen den voirs(creven) t(er)mij(n) due(re)nde en(de) telken/ t(er)mijne alse v(er)volgde schout Item es vorw(er)de dat de voirs(creven) wyn/ de voirs(creven) beemde en(de) eeusele sal laten te sine(n) afsceyden wael ende/ loflijc beheymdt en(de) bevreedt Item sal de voirs(creven) wyn ten eynde/ van sine(n) jaerschae(re)n behouden half thoy en(de) half de weyde gelijc als/ dander wynne(n) hier voermaels op tselve goet gedaen hebben tot hertoe/ It(em) al dat de voirs(creven) wyn luyct oft luycken sal bynne(n) den voirs(creven)/ t(er)mijne dat moet hij weerechtich houden It(em) es noch vorw(er)de/ dat de voirs(creven) wyn de voirs(creven) lande laten sal ten eynde van sijne(n)/ t(er)mijne gelijc hier nae staet te weten seven boende(r) lants besaeyt/ met vier getidege voe(re)n dats vier boende(r) met tarwen ende drie/ boende(r) met roggen It(em) alsoe de laghe vander g(er)sten met drie getidege/ voe(re)n Noch es vorw(er)de dat de voirs(creven) wyn op sijn leste jaer uutvue(re)n sal voir onser vrouwe(n) liechtmisse dwinter mest op tvoirs(creven) lant tot/ sijne(n) meesten p(ro)fijte en(de) alle de brake moet hij tweewerf eerien op/ sijn leste jaer sonder ix dachmael die hij eens eerien sal ende
//
niet meer It(em) es noch verw(er)de dat de voirs(creven) wyn alle de voirs(creven)/ lande wel en(de) loflijc wynne(n) werve(n) en(de) bedriven sal op sijn getidege/ voe(re)n gelijc sijne(n) reengenoote(n) bove(n) en(de) beneden It(em) es vorw(er)de dat/ de voirs(creven) wyn gheve(n) sal alle jae(re) een half mudde tarwen der voirs(creven)/ maten voer dat hij hoervruchten mach maer opde drie leste jae(re)n/ en mach hij maer een half boend(er) lants hoervruchte(n) It(em) sal/ noch de voirs(creven) wyn alle jae(re) setten hond(er)t poten goet en(de) cusbaer/ en(de) daer af sal de voirs(creven) arnt betalen de vijftich en(de) de voirs(creven)/ wyn salse vue(re)n en(de) halen maer arnt sal de dachue(re)n betalen/ vanden vijftich ende de wynne den cost Item sal de voirs(creven)/ wyn alle jare levere(n) tachtentich mandelen walms om de huyse/ vande(n) voirs(creven) hove d(air) mede te deckene en(de) also v(er)re als/ de voirs(creven) mandele(n) walms strecken selen dair af sal raes voirs(creven)/ de dachuere(n) betalen en(de) de voirs(creven) wynne den cost It(em) sal de/ voirs(creven) wynne den voirs(creven) raese twee lijfverkene houden gelijc/ den sijne(n) maer raes salse hem beyde levere(n) Item waert dat/ de voirs(creven) raes laghe tot erpse soe moeste hem de voirs(creven) wyn/ twee coeye zomere(n) voir ii twee rijnssche guld(en)/ It(em) noch es vorw(er)de dat de voirs(creven) wynne den/ voirs(creven) rase alle jare doen sal seve(n) corweyde(n) met/ zijnen waghene en(de) p(er)den daert de(n) voirs(creven) raese/ gelieve(n) sal in redelijken dachvaerde(n) Item alle doeft selen/ de voirs(creven) wynne en(de) raes half en(de) half hebbe(n) en(de) deylen/ maer de wynne saelt ter eerden leveren op sijne(n) cost/ It(em) moet de voirs(creven) wynne den voirs(creven) raese jaerlijcx een halst(er)/ lijnzaets zaeyen op dat raes hem tsaet levert Oec mach/ de voirs(creven) wyn jaerlijcx torven oft eene(n) mottoen vanden/ eeusselgelde d(air) voe(r) af slaen eist dat hij niet en torft/ Noch mach de voirs(creven) wynne afhouwe(n) alle droege struvelle(n)/ uute(n) bossche staende oft droege willegen afhouwe(n) oft/ droege poten en(de) d(air) voe(r) nuwe pote(n) weder sette(n) It(em)/ moet de voirs(creven) wynne de huysinge vande(n) voirs(creven) hove/ wel ende loflijc houde(n) vand(er) rijkele(n) ned(er)weert/ van wande ende van dake It(em) waert dat rase/ voirs(creven) e(n)nige scade gesciede va(n) viere oft and(er)s van des/ wynne(n) wegen dat moeste de wynne he(m) altijt oprichte(n)
//
na prijs van goeden knapen Ende desgelijcx moeste raes den/ voirs(creven) knapen oec doen waert dat hem scade gesciede van/ tempeeste oft andere(n) ongevalle It(em) es noch voirw(er)de dat de/ voirs(creven) ardt en(de) de wynne voirs(creven) ten binne(n) de(n) t(er)mijne van ix/ jare(n) naestcomen(de) op dat hen oft e(n)nige(n) van hen gelieft scheyde(n)/ selen oft sal moege(n) en(de) soe wie dan aldus sceyde(n) wilt dat/ hijt den ande(re)n een jaer te vore(n) segge(n) sal En(de) alle dese/ condicie(n) (et)c(etera) hier af sijn borge des voirs(creven) jans henr(ick) van/ bruessel vader des selfs jans beyde va(n) wynxele gheert/ van bullestrate(n) van tieldonc en(de) henric van bullestraten/ inde p(ro)chie van velthem Cor(am) rijke lyntre januarii xviii